32.9 C
Dushanbe

Амороти Муттаҳидаи Араб Тоҷикистонро ба “рӯйхати сабз” ворид кард

Шаҳрвандони Тоҷикистон аз ин пас ҳангоми расидан ба Амороти Муттаҳидаи Араб (АМА) ду ҳафта дар қарантина қарор намегиранд.

Хабаргузории “ТАСС” аз маркази матбуотии ҳукумати ин кишвар хабар медиҳад, ки Абу-Даби қоидаҳои вуруди сайёҳони хориҷиро бозбинӣ намуда, аз 24 декабр бекор шудани баъзе маҳдудиятҳои ҷоришуда бар асари пандемияро бекор мекунад.

Дар навбати аввал дар бораи давлатҳои “рӯйхати сабз” гуфта шудааст, ки онҳо аз қарантинаи маҷбурии дуҳафтана озод мешаванд.

Ба “рӯйхати сабз” Австралия, Бруней, Ветнам, Юнон, Гренландия, Гонконг, Чин, Мавритания, Малайзия, Зеландияи Нав, Арабистони Саудӣ, Сингапур, Тоҷикистон, Тайван, Таиланд, Узбекистон шомил гардидаанд. Вале номи Русия дар ин “рӯйхати сабз” зикр нагардидааст.

Гуфта мешавад, шаҳрвандоне, ки дар ин рӯйхат зикр нашудаанду ба ин кишвари арабӣ сафар мекунанд, муҳлати қарантина то 10 рӯз кам шудааст.

Дар идома зикр гардидааст, ки сайёҳони ҳамаи кишварҳои хориҷӣ бояд маълумотнома дар бораи надоштани бемории каронавирус на дертар аз 96 соат дошта бошанд, ҳамчунин ҳангоми расидан ба ин кишвар аз онҳо тест гирифта мешавад. Абу-Дабӣ ҳамзамон як қатор маҳдудиятҳоро нисбат ба вуруд аз дигар аморатҳо сабуктар кард.

Бино ба иттилои хабаргузориҳо аз оғози пандемия дар Амороти Муттаҳидаи Араб зиёда аз 195 ҳазор беморони коронавирус ошкор шуда беш аз 171 ҳазор кас шифо ёфтаанд. Шумори беморони фаъол 23,8 ҳазор нафарро ташкил медиҳад. Дар ин давра қариб 20 млн тест гирифта шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.

Кӣ дурӯғ мегӯяд, донишҷӯён ё Вазорат?

Донишҷӯён аз “облава” неву аз “нодуруст ба роҳ мондани корҳои фаҳмондадиҳӣ”-и Комиссариати ҳарбии ноҳияи Варзоб гурехтаанд.