Амрико мехоҳад садҳо нафар аз командуҳои собиқ артиши Афғонистонро бар ивази пул барои ҷанг ба Украина бифиристад.
31-уми марти соли 2022 хабаргузории “Бохтар“-и Афғонистон ба нақл аз Спутник иттилоъ дода, ки Амрико қасд дорад 400 нафар аз афсарони омӯзишдидаи артиши собиқи Афғонистонро ба Украина фиристад.
Ба гуфтаи манбаъ, ин афрод пас аз сари қудрат омадани Толибон Афғонистонро тарк карда, ҳамчун паноҳада Кохи Сафед онҳоро ба ИМА интиқол додааст.
Акнун бо гузашти зиёда аз шаш моҳ ин афсарони собиқ артиши Афғонистон, ки зери назари Созмони иттилооти марказӣ (CIA)-и Амрико омӯзиш дидаанд, дар ИМА ҳеч даромаде надоштаанд, ба ин хотир алоқманд ҳастанд, ки барои дарёфти моҳона чанд ҳазор доллар ба Украина фиристода шаванд.
Пеш аз ин ББС хабар дода буд, ки Русия низ ба хотири ҷалби нерӯҳои ҷангӣ дар Сурия чанд марказеро фаъол кардааст ва аз афсарону сарбозони довталаб даъват кардааст, ки бар ивази 7000 доллар дар як моҳ рафта дар Украина биҷанганд.
Гуфта мешавад, 24-уми феврали соли ҷорӣ Русия ҳамлаҳои худ ба Украинаро оғоз кард ва то кунун ҷанг идома дорад. Дар муддати бештар аз як моҳи ин ҷанг зиёда аз 4 миллион нафар овара шуда, ҳазорҳо нафар ва даҳҳо ҳазори дигар захмӣ шудаанд.