33.9 C
Dushanbe

Ғарқ шудани се нафар дар обҳои кишвар. Яке аз онҳо кӯдаки ноболиғ буд

Дар ду рӯзи гузашта се нафар дар обҳои кишвар ғарқ шуда, ба ҳалокат расидаанд, ки яке аз онҳо писарбачаи ноболиғи 11-сола будааст.

Бино ба иттилои Кумитаи ҳолатҳои фавқулоддаи Тоҷикистон, зуҳри 19-уми августи соли ҷорӣ “як сокини 53-солаи деҳаи Хӯҷаи Панҷи ҷамоати деҳоти Амондараи шаҳри Панҷакент ҳангоми оббозӣ дар Ҳафткӯл, воқеъ дар рустои Рашнаи Поёни ҷамоати деҳоти деҳаи Шинг аз сабаби риоя накардани қоидаҳои шиноварӣ ғарқ шудааст.” 

Гуфта мешавад, ду рӯз боз корҳои наҷотдиҳӣ аз ҷониби КҲФ идома дорад, вале то ҳол ҷасадро пайдо накардаанд.

Ҳамчунин 20-уми августи соли ҷорӣ “ҳангоми гузаштан аз канали “ВД-з” як сокини 19-солаи деҳаи Рахшонзамини ҷамоати деҳоти Корези ноҳияи Данғара дар об ғарқ шуд ва ба ҳалокат расид.” Гуфта мешавад, ҷасади ин навҷавони тоҷикро сокинони атроф пайдо карда, ба волидонаш супурданд. 

Кумитаи ҳолатҳои фавқулоддаи Тоҷикистон низ хабар медиҳад, ки шоми 20-уми август дар шаҳри Ваҳдат як сокини 11-солаи деҳаи Ҷангалобод – 3, ҷамоати деҳои Гулистон ҳангоми оббозӣ дар каналаи байнидеҳавӣ ғарқ шудааст. Ҷасади ӯро то ҳол пайдо накардаанд. Кумитаи ҳолатҳои фавқулоддаи кишвар мегӯяд, аз субҳи имрӯз, 21-уми август талошҳо барои пайдо кардани ҷасади ғарқшуда идома дорад.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.