Бино ба иттилои расонаҳо, Президенти Федератсияи ҷаҳонии футбол (ФИФА) дар саҳфаи телеграмии худ эълон карда, ки кишвари Арабистони Саудӣ дар соли 2034 мизбони мусобиқоти ҷаҳонии футбол мешавад.
Ба қавли манбаъ, Ҷианни Инфантино, Президенти ФИФА гуфтааст, ҳеч варзише ба монанди футбол ҷаҳонро муттаҳид намекунад. Ҷоми ҷаҳонӣ витрине олӣ барои паёми ваҳдат ва мушорикат аст ва намунаи муҳимме аз ин ки чӣ гуна метавонанд, фарҳангҳои мухталиф дар канори ҳам бошанд ва якдигарро дарк кунанд.
Гуфта мешавад, пеш аз ин кишварҳои Австралия ва Индонизия барои ба даст овардани мизбонии ин сабқатҳои ҷаҳонӣ пешниҳод дода буданд, вале ахиран аз ин пешниҳодҳои худ даст кашида, кишвари Арабистони Саудӣ номзади ягонае буд, ки пешниҳоди мизбонии Ҷоми ҷаҳони футбол дар соли 2034-ро ироа кард.
