27.9 C
Dushanbe

Арзиши шиносномаи хориҷӣ дар Тоҷикистон боз ҳам гарон шуд

Бино ба иттилои расонаҳои хабарӣ аз 1 январи соли 2021 арзиши пардохти ҳуҷҷатҳо, ҷаримаҳо ва иҷозатномаҳо барои фаъолияти бахши хусусӣ дар Тоҷикистон боло рафт.

Гуфта мешуд, барои дарёфт ва ё тамдиди муддати эътибори гузарномаи хориҷӣ, ки қаблан 87 сомонӣ буд, ҳоло 90 сомонӣ шудааст.

Барои дарёфти гувоҳинома барои хоҳишмандони фаъолият дар бахши хусусии Тоҷикистон низ аз 58 сомонии қаблӣ ба 60 сомонӣ расидааст.

Аммо имрӯз 5 январ Вазорати корҳои хориҷии Тоҷикистон хабари гарон шудани шиносномаҳои хориҷиро рад намуда, гуфтааст, ки нархи шиносномаҳои хориҷии Тоҷикистон қимат нашудааст.

Оҷонсии иттилоотии “Ховар” аз қавли Вазорати хориҷа менависад, ки “шурӯъ аз 1 январи соли равон танҳо боҷи давлатӣ аз 87 сомонӣ ба 90 сомонӣ афзоиш ёфтааст. Нархи шиносномаи хориҷӣ 75 доллари амрикоиро ташкил медиҳад, ки бе тағйир мондааст”.

Ин дар ҳолест, ки чанде пеш расонаҳо хабар дода буданд, ки шурӯъ аз аввали моҳи январ маблағи гирифтани шиносномаи хориҷӣ ва ё тамдид кардани он афзудааст.

“Маркази матбуоти ин ниҳод мегӯяд, тамдид ё дароз кардани муҳлати шиносномаи хориҷии Тоҷикистон низ имкон надорад, зеро он биометрӣ буда, як муҳлати муайян эътибор хоҳад дошт”, омадааст дар хабар.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.