33.9 C
Dushanbe

Ато Муҳаммаднур дар ҷанг бо Толибон ақибнишинӣ кард

Ато Муҳаммаднур, собиқ волии вилояти Балхи Афғонистон ва аз тоҷиктаборони ин кишвар пас аз даргирии шадид бо Толибон дар ноҳияи Шӯртеппаи вилояти Балх ақибнишинӣ кард ва ноҳия ба тасарруфи Толибон даромад. Ато Муҳаммаднур иллати ақибнишинияшро нарасидани нерӯҳои иловагии давлатӣ арзёбӣ кард.

Бино ба гузориши “tolonews” дар шабонарӯзи гузашта панҷ ноҳия аз чаҳори вилояти Афғонистон аз тасарруфи нерӯҳои давлатӣ берун шуда зери тасарруфи Толибон даромаданд.

Ноҳияҳои Шӯртеппа аз вилояти Балх, – ки дар он Атто Муҳаммаднур бо сарбозонаш ҳамроҳи Толибон меҷангид, Чак ва Саидободи вилояти Майдони Вардак, Растоқ аз вилояти Тахор ва Арғастон дар вилояти Кандаҳор дар 24 соати гузашта ба тасарруфи Толибон даромаданд.

Намояндагони мардуми Тахор дар парлумони Афғонистон гуфтанд, ноҳияи Растоқ 13-умин ноҳия дар ин вилоят аст, ки контроли он аз дасти нерӯҳои давлатӣ хориҷ мешавад.

Ҳамидуддин Юлдош, яке аз намояндагони парлумони ин кишвар гуфт, ки “Бандар Шерхон суқут карда, амалн дар контроли Толибон аст. Хабарҳо ҳокӣ аст, ки Бандари Оқина ҳам суқут кард. Дар Тахор ҳам Бандари Ойхонум аст, ки бо Тоҷикистон ҳаммарз аст, дар онҷо ноҳияи Дасшти Қалъа суқут кард, баъд Ойхонум ҳам суқут кард”.

Ин дар ҳолест, ки Вазорати дифои Афғонистон ҳафтаи гузашта хабар дода буд, ки Шерхон-Бандар, ки нуқтаи убури гумрукӣ бо Тоҷикистон аст, аз дасти Толибон бозпас гирифта шудааст.

Дар ҳамин ҳол гуфта мешавад, ки Толибон давоми ду моҳи ахир 108 ноҳия аз вилоятҳои гуногуни Афғонистонро пурра ишғол кардаанд ва ё бо нерӯҳои давлатӣ даст ба даст кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.