23.9 C
Dushanbe

Вокуниши Агентӣ ба гарон шудани билетҳои ҳавопаймо

Агентии авиатсияи шаҳрвнадии Тоҷикистон ба гароншавии нархи билетҳои ҳавопаймо байни Тоҷикистон ва Русия вокуниш кард.

Акс аз Интернет

Бино ба гузориши “Sputnik Тоҷикистон”, ин ниҳоди давлатӣ, ки назорати бозори билетфурӯшии кишварро дар даст дорад, дар гарон шудани нархи билетҳо ширкатҳои ҳавопаймоиро айбдор намуда, гуфтааст, ки онҳо бар хилофи муқаррароти Агентӣ амал мекунанд ва нархро аз пеши худашон гарон кардаанд.

“Агентӣ аз оғоз чунин сиёсатро пеш гирифта ва сари он таъкид мекарду мекунад. Боло бурдани нархи билетҳо аз сӯи ширкатҳо комилан беасос ва холӣ аз инсоф аст”, – гуфтааст манбаъ.

Пештар Агентӣ пешниҳод карда буд, ки нархи билетҳоро аз $500 зиёд набошад, аммо бо вуҷуди ин билетҳо аз шаҳрҳои Тоҷикистон ба шаҳрҳои Русия бамаротиб гаронтар фурӯхта мешуд.

Гароншавии ахири билетҳои ҳавопаймо дар ҳолест, ки то як моҳи пеш нархи билетҳо аз Душанбе то Маскав 2400-2500 сомонӣ арзиш дошт, аммо якбора он 50% гарон шуд ва ҳоло як билет то 5000 сомонӣ ва аз он ҳам гаронтар фурӯхта мешавад.

Шаҳрвандон аз он шикоят доранд, ки дар кишвар ҷои кор нест ва маҷбуранд барои таъмини зиндагӣ ба Русия сафар кунанд, аммо бо ин гаронӣ низ барояшон рафтан душвортар мегардад.

Дар гузашта низ ширкатҳои ҳавопаймоӣ нархҳоро аз нархи эълонкардаи Агентии авиатсияи шаҳрвандӣ ба маротиб гаронтар мефурӯхтанд, то ҷое, ки як билет аз Душанбе то Маскав ба 10 ҳазор сомонӣ баробар шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.