24.9 C
Dushanbe

Автобусҳо ва тролейбусҳои тоҷикии “Акиа Ориё” ба кор оғоз мекунанд

Ширкати муштараки тоҷикию туркии “Акиа Авесто Автоматив Индастри” 11-уми декабри соли равон 36 автобус ва 69 тролейбуси истеҳсолкардаи худро барои хидмати мусофирон дар шаҳри Душанбе тақдим кардааст.

Бино ба иттилои нашрияи пралумонии “Садои мардум” автобусҳои дохилишаҳрии истеҳсоли корхонаи муштараки “Акиа Авесто Автоматив Индастри”-и Ҷумҳурии Тоҷикистон буда, ба дарозии 8 метр барои 64 нафар мусофир пешбинӣ гардидаанд.

Дар хабар омада, ки “Корхонаи муштараки “Акиа Авесто Автоматив Индастри” аз аввали соли 2020 дар асоси фармоиши Мақомоти иҷроияи ҳокимияти давлатии шаҳри Душанбе истеҳсоли автобуси дохилишаҳриро бори аввал ба таври силсилавӣ, бо номгузории тоҷикӣ — “Акиа Ориё” оғоз намуда, ба нақша гирифтааст, ки то охири соли равон 50 адад автобус истеҳсол ва ба ширкатҳои нақлиётии пойтахт интиқол медиҳад.”

Ба навиштаи ин нашрия ширкати “Акиа Авесто Автоматив Индастри” ҳамчун ширкати муштараки Тоҷикистону Туркия соли 2018 ба кор оғоз карда, автобусҳои замонавии тамғаи “Акиа”-ро истеҳсол мекунад. Ва инак аввалин истеҳсоли худро муаррифӣ кард.

Дар маросими ба кор оғоз намудани ин автобусҳо раисҷумҳур Эмомалӣ Раҳмон ва писараш шаҳрдори Душанбе Рустами Эмомалӣ ширкат варзиданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Корҳои фаҳмондадиҳӣ барои бартараф намудани ифлосии Душанбе

Масъулони шаҳри Душанбе мехоҳанд бо гузарондани корҳои фаҳмондадиҳӣ миёни мардум мушкилии партовҳои пойтахтро бартараф кунанд.

Даргузашти Муҳаммадалии Файзмуҳаммад дар зиндон

Мавлавӣ Муҳаммадалии Файзмуҳаммад, зиндонии сиёсӣ ва узви Раёсати олии ҲНИТ дар умри 65-солагӣ дар зиндон даргузашт.

Наздики ним миллард қарзи “ТАЛКО” аз барқ

Вазорати энергетика ва захираҳои оби Тоҷикистон дар ҳузури хабарнигорон номи қарздорон аз барқро эълон кард.

Норасоии омӯзгор мушкили ҳалнашавандаи Вазорати маорифи Тоҷикистон

Вазири маориф ва илми Тоҷикистон имрӯз, 26-уми июл зимни нишасти матбуотии ниҳодаш аз мушкили норасоии омӯзгорон дар мактабҳои миёна шикоят кард.