35.9 C
Dushanbe

Аввалин парвози нақшавии “Сомон Эйр” аз Душанбе ба Маскав анҷом ёфт

Ширкати ҳавопаймоии “Сомон Эйр” пас аз барқарор шудани парвозҳо нахустин парвози нақшавии худро аз Душанбе ба Маскав анҷом дод. Дар ин бора маркази матбуотии ширкати “Сомон Эйр” хабар дод.

Бино ба иттилои маркази матбуотии ширкати “Сомон Эйр” бо ин ҳавопаймо 184 мусофир, аз ҷумла шаҳрвандони Тоҷикистон аз Душанбе ба Маскав парвоз карданд. Қайд карда мешавад, ки парвози навбатии ин ширкат рӯзи 6 апрел сурат мегирад. Бино ба иттилои ТАСС арзиши чипта ба ин масир 349 долларро ташкил медиҳад.

Русия рӯзи 25-уми март эълон кард, ки аз 1-уми апрели имсол парвози мунтазами ҳавопаймоҳоро бо Венесуэла, Сурия, Тоҷикистон, Узбекистон ва Шри-Ланка аз сар мегирад.

Тибқи қарори Ситоди фаврии мубориза бо коронавируси Федератсияи Русия, парвозҳо ҳафтае як маротиба анҷом дода мешаванд.

Тибқи иттилои Агентии авиатсияи гражданӣ бо кушода шудани парвозҳо байни Русия ва Тоҷикистон, рӯзҳои ҷумъа аз ҷониби ширкати ҳавопаймоии “UTair”-и Русия ва рӯзи сешанбе аз ҷониби ширкати ҳавопаймоии Тоҷикистон “Somon Air” парвозҳо сурат хоҳанд гирифт.

Пас аз барқарор шудани парвозҳо ширкати Русии “UTair” шаби 3 апрел дар масири Маскав – Душанбе парвоз анҷом дод, аммо бо сабабҳои номаълум ҳавопаймо бидуни шаҳрвандони Тоҷикистон ба пойтахти Русия баргашт.

Мақомоти ҳавопаймоии Тоҷикистон ин вазъро шарҳ дода, гуфтанд, ки ҳамаи мусофироне, ки натавонистанд аз Душанбе ба Маскав бо ҳавопаймои ширкати “UTair” парвоз кунанд, метавонанд рӯзи 9 апрел бо ҳамон ҳавопаймо бидуни мамониат парвоз кунанд.

Ёдовар мешавем, ки 20 марти соли 2020 Тоҷикистон дар робита бо пандемияи коронавирус тасмим гирифт, ки ҳаракати ҳавоӣ бо дигар кишварҳоро муваққатан боз дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.