31.9 C
Dushanbe

Аз ин ба баъд харидани билети ҳарбӣ қонунӣ шуд

Баъд аз қабули тағйиру иловаҳо ба қонунҳо дар соҳаи ҳарбӣ, дигар онҳое, ки дар сафи Қувваҳои муссалаҳ хизмат накараанд дар мақомоти қудратии Тоҷикистон ба кор кабул карда намешаванд.

Мувофиқи тайғирот ба қонун “Дар бораи уҳдадории ҳарбӣ ва хизмати ҳарбӣ”, ки аз ҷониби Палатаи поёнии Парлумони Тоҷикистон қабул гардид, аз ин пас нафароне, ки дар сафи Қувваҳои мусаллаҳи кишвар адои хизмат накардаанд, дар мақомоти суду прокуратура, Хадамоти гумрук ва Агентии зиддифасод, инчунин Хадамоти иҷрои назди ҳукумати ҷумҳурӣ кор карда наметавонанд.

Тағйироти қабулшуда ба кормандони феълии мақомоти дар боло зикршуда, инчунин занон ва шаҳрвандоне, ки тибқи меъёрҳои қонунгузорӣ аз хизмат дар сафи Қувваҳои мусаллаҳ озоданд, дахл надорад.

Ин дар ҳолест, ки тибқи як тайғироти дигар “Дар бораи уҳдадории ҳарбӣ ва хизмати ҳарбӣ” ба шаҳрвандоне, ки адои хизмат намекунанд, бо пардохти маблағ ва тӯли як моҳ тамрин намудан соҳиби шоҳодатномаи ҳарбӣ мегарданд.

Коршиносони соҳа қонунӣ шудани харидани шаҳодатномаи ҳарбиро сабаби афзоиши фасод дар ин соҳа медонанд. Ба назари онҳо, ин қонун танҳо ба мансабдорону шахсони доро мусоидат мекунад, аммо мардуми нодор, чуноне, ки ҳоло ҳаст, мисли пештара хидмати ҳарбиро ҳамонҳо мекунанд. Яъне танҳо ҳамонҳое боз ба артиш ҷалб мешаванд, ки имкони пардохти маблағро надоранд, фарзандони мансабдорон ва тоҷирон бо пардохти маблағ аз хизмат озод мешаванд. Ба назари онҳо, ин қонун соҳаи ҳарбии кишварро, ки фасодзада аст, боз ҳам фасодзадатар хоҳад кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.