14.9 C
Dushanbe

Аз ин ба баъд муҳоҷирон аз Русия нафақа мегиранд?

Созишнома байни Русия ва Тоҷикистон дар бораи таъмини нафақаи муҳоҷирони меҳнатӣ дар марҳилаи ба имзорасӣ аст.

28 июл Ширин Амонзода, вазири меҳнат, муҳоҷират ва шуғли аҳолии Тоҷикистон зимни нишатси матбуотии ниҳодаш гуфт, ки ин созишнома то охир ҳамин сол бояд ба имзо бирасад.

“Таъмини нафақаи муҳоҷирон масъалаест, ки аллакай дар баррасии Агентии нафақа ва ҳифзи иҷтимоии аҳолӣ қарор дорад”, – гуфт Амонзода.

Вазири меҳнат дар идома афзуд, ки лоиҳаи созишномаи мазкур яке аз санадҳоест, ки то охири ҳамин сол ба тасвиб расидани он дар назар аст.

Ин дар ҳолест, ки Сарвазири Русия Михаил Мишустин низ рӯзи 27 июл ба сохторҳои дахлдори кишвараш, аз ҷумла Вазорати меҳнат ва Вазорати умури хориҷа дастур дода, ки масъалаи нафақаи муҳоҷиронро бо ҷониби Тоҷикистон баррасӣ ва ба имзо расонанд.

Гуфта мешавад, ҷонибҳо ҳаҷми ҳуқуқи бознишастагии муҳоҷирони меҳнатиро вобаста ба ҳаҷми андози пардохткардаашон ба давлати Русия, ки давоми солҳо дар ин кишвар пардохт намудаанд, муайян мекунанд.

Қайд мегардад, ки агар муҳоҷир дар Русия дар корҳои расмӣ фаъолият карда ва андоз пардохт карда бошад, ба Тоҷикистон ҳам баргардад, аз Русия ҳуқуқи бознишастагии худро дарёфт хоҳад кард.

Солҳост масъалаи нафақаи муҳоҷирон дар доираҳои мухталиф баҳсу баррасӣ мешавад. Ба назари коршиносон қишри муҳоҷири меҳнатӣ – аз ҳама қишри заҳматкаш дар Русия солҳо кору зиндагӣ мекунад, аммо пас аз ба синни бознишастагӣ расидан, аз баски дар кишвар кор накардааст касе дар фикри нафақаи ӯ нест. Ба назари онҳо ин масъаларо мақомоти Тоҷикистону Русия бояд ҳарчи сареъ баррасӣ ва ба имзо расонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.