35.9 C
Dushanbe

Ба муҳоҷирони кории тоҷик дар Русия нафақа медиҳанд

Аз ин ба баъд дар Русия ба муҳоҷирони кории Тоҷикистон, ки ба синни бознишастагӣ расидаанд, нафақа дода мешаванд.

Маҷлиси намояндагони Тоҷикистон имрӯз, 13-уми апрел дар ҷаласаи навбатии худ созишнома миёни Тоҷикистону Русияро, ки тибқи он ба муҳоҷирони кории тоҷик нафақа дода мешавад, ба тасвиб расонд.

Дилмурод Давлатзода, раиси Оҷонсии суғуртаи иҷтимоӣ ва нафақаи Тоҷикистон зимни суханронӣ дар ҷаласаи порлумон изҳор дошт, ки тибқи ин санад, аз ин ба баъд Русия ва Тоҷикистон вазифадоранд, ки ба шаҳрвандони ҳамдигар, ки дар кишвари якдигар кор кардаанд, нафақа диҳанд, аммо бо як шарт.

Ба гуфтаи Давлатзода талабот ин аст, ки  шаҳрвандон дар кишваре, ки кор мекунанд, бояд андози иҷтимоӣ пардохт кунанд. Яъне андозаи нафақа аз ҳаҷми пардохти андози иҷтимоӣ ва собиқаи корӣ вобастагӣ дорад.

Ҳамчунин шаҳрвандони Русия ва Тоҷикистон, ки дар кишвари якдигар кор кардаанд, пас аз бозгашт ба ватан қисмати кор дар Русия ҳам вақти ба нафақа баромадан ба назар гирифта шуда, ба ӯ нафақа пардохт мешавад.

Ин созишнома ҳанӯз солҳои 2014-2015 аз ҷониби Русия омода шуда, моҳи сентябри соли 2021 ба имзо расида буд. Ва имрӯз Маҷлиси намояндагони Тоҷикистон онро ба тасвиб расонид.

Тибқи оморҳои ғаёрирасмӣ, дар Федератсияи Русия ҳудуди 2 млн муҳоҷири тоҷик кору зиндагӣ мекунанд. Русия муҳоҷирони тоҷикро беш аз 1 млн мегӯяд, аммо ҳукумати Тоҷикистон, аз ҷумла Вазорати меҳнат мегӯяд, дар хориҷ танҳо 387 ҳазор муҳоҷири корӣ доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Коҳиши 80%-и кишти кукнор дар Афғонистон

Толибон аз ҷомеаи ҷаҳонӣ хоста, ки барои кишоварзоне, ки...

ВКХ: Пайвастани Тоҷикистон ба ИИАО баррасӣ нашуд

Ҳукумати Тоҷикистон ҳоло масъалаи пайвастани кишварро ба Иттиҳоди иқтисодии АвруОсиё баррасӣ надорад.

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.