31.9 C
Dushanbe

Ҷо Байден ба Аврупо сафар мекунад

Дар пасманзари буҳрони Украина Ҷо Байден раисҷумҳури Амрико ҳафтаи ҷорӣ ба Аврупо сафар мекунад.

Бино ба иттилои Ҷен Псаки котиби матбуотии Кохи Сафед, Байден дар ин сафараш аз Брюссел ва Варшава боздид намуда, бо шариконаш таҳримҳои шадидтар алайҳи Русияро баррасӣ хоҳанд кард.

Ба гуфтаи Псаки, раисҷумҳури Амрико дар Брюссел бо муттаҳидони НАТО, раҳбарони G7 ва раҳбарони Иттиҳодияи Аврупо талошҳои байналмилалӣ барои пуштибонӣ аз Украина дар пайи ҳамлаи Русияро баррасӣ мекунанд.

Гуфта мешавад, Байден бо раисиҷумҳури Фаронса Эммануэл Макрон, садри аъзами Олмон Олаф Шолс, нахуствазири Бритониё Борис Ҷонсон ва нахуствазири Итолиё Марио Драги дар тамоси телефонӣ чораҳои зидди Русияро баррасӣ хоҳанд кард. Ин суҳбатҳо барои расонаҳо дастрас нахоҳанд буд.

Дар Лаҳистон Байден бо президенти он кишвар Анҷей Дуда мулоқот намуда, атрофи мушкилоти ба вуҷудомада пас аз даргириҳои Украин суҳбат хоҳанд кард.  

Ба иттилои СММ, Лаҳистон беш аз 2 миллион паноҳҷӯёни украиниро, ки бар асари амалиёти низомии Федератсияи Русия тарки кишвар кардаанд, пазируфтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.