-3.1 C
Dushanbe

Туркия ба Тоҷикистон паҳподҳои “Байрақдар” фурӯхт

Туркия ба Тоҷикистон аз паҳподҳои ҷангии “Байрақдар”-аш фурӯхтааст. Аммо маълум нест Тоҷикистон чанд маҷмуаи онро харидорӣ кардааст. Дар ин бора расонаҳои қирғизӣ хабар медиҳанд.

Ба гузориши вебгоҳи “Кактус медиа“-и Қирғиситон, Туркия паҳподҳои ҷангияшро ба Тоҷикистон фурӯхтааст. Дар бораи ҳақиқат доштани ин хабар Мирлан Самыйкожо, вакили парлумони Қирғиситон аз Ҷонибек Кулубаев (Жээнбек Кулубаев), сарпарасти Вазорати умури хориҷаи ин кишвар пурсида, дар посух Кулубаев гуфта, ки:

“Мо низ чунин малумот дарёфт кардем, ниҳодҳои мо дар ҳоли баррасии ин хабар ҳастанд ва ҳамчунин ба сафирамон дар Анқара дастур додем ин қазияро пайгирӣ кунанд”.

Кулубаев меафзояд, ки мо қаблан аз Туркия хоҳиш кардем, ки ба хотири он ки масоили ҳалнашудаи марзӣ байни Тоҷикистону Қирғистон боқӣ мондааст, аз фурӯши ин паҳподҳо ба Тоҷикистон худдорӣ кунанд, аммо дар посух тарафи Туркия гуфта, ки “ин тиҷорат аст”.

Ҳангоми сафари вазири дифои Тоҷикистон ба Туркия ва гумонҳои фурӯши паҳподҳои ҷангии он ба Тоҷикстон Azda tv аз коршиносҳои умури низомии Осиёи Марказӣ пурсид, ки оё имкон фурӯши паҳподҳои туркӣ ба Тоҷикистон вуҷуд дорад? Дар посух яке аз коршиносон, ки нахост номаш фош шавад, гуфт:

“Туркия чанде пеш ба ҳама кишварҳои Осиёи Марказӣ пешниҳоди фурӯши паҳподҳояшро дода буд, бар асоси ин пешниҳод Қирғизистон ду маҷмуа ё 6 паҳподи ҷангӣ харидорӣ кард, Қазоқистон бошад соли 2023 паҳподҳои насли нави туркиро дарёфт хоҳад кард ва ба эҳтимоли зиёд Туркия ба Тоҷикистон низ паҳподҳои Байрақдарашро мефурӯшад”.

Аммо бо вуҷуди расонаӣ шудани хабари фурӯши паҳподҳои туркӣ ба Тоҷикистон, Вазорати дифои кишвар то ҳол дар ин бора изҳори назар накардааст. Тибқи риволи қарордодҳои низомӣ то замони таҳвили техникаҳои ҷангӣ аз эълони он худдорӣ мекунанд. Эҳтимол меравад, ки Тоҷикистон зарфи 4 то 6 моҳи оянда аввалин паҳподҳои ҷангиро аз Туркия дарёфт кунад.

Ҳамзамон корбарони шабакаҳои иҷтимоии тоҷик аз ин хабар истиқболи гарм карданд, бисёриҳо бар ин назаранд, ки марзбонони қирғиз дигар ба нуқтаҳои марзии Тоҷикистон ҳамла намекунанд ва умеди беҳтар шудани авзоъ дар марзро карданд.

Ёдовар мешавем, ки Шералӣ Мирзо, вазири мудофиаи Тоҷикистон рӯзи 22-уми апрели соли ҷорӣ барои бастани қарордодҳои хариди ҳавопаймоҳои бидуни сарнишин ба Тукрия рафта буд.

Вазарати дифои Туркия ҳам хабар дода буд, ки “дар мулоқотҳои вазири дифои миллӣ Ҳулусӣ Акар ва вазири дифои Тоҷикистон генерал Шералӣ Мирзо масоили вобаста ба мудофиа, амният ва ҳамкорӣ дар бораи саноати дифоии дуҷониба ва минтақавӣ баррасӣ шуд.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.