-2.1 C
Dushanbe

Баҳси додгоҳии корманди бонк ва рӯзноманигори тоҷик

Мижгона Ҳалимова рӯзноманигори тоҷикро як оператор-нозири Маркази хизматрасонии ҶСК “Эсхатабонк” дар шаҳри Ваҳдат ба додгоҳ кашидааст ва хостааст барои расонидани зарари маънавӣ 50 ҳазор сомонӣ пардохт намояд. Дар ин бора “Asia-Plus” хабар дод.

Аз оператор-нозир, ки Хайриддин Шарифзода ном бурда мешавад, иддао дорад, ки Ҳалимоваро барои резонидани шаъну шараф ва эътибори корӣ ба додгоҳ кашидааст.

Дар ҳамин ҳол худи Мижгона Ҳалимова ба “Asia-Plus” гуфтааст, ки ин даъвои корманди бонк асос надорад ва далели собиткунандае ҳам надорад. Ҳалимова дар идома мегӯяд:

“Баъдан ман дар саҳифаи фейсбукиям навишта будам, як гурӯҳи корӣ ҳамон вақт ташкил карда шуд, намоянда аз Бонки миллии Тоҷикистон ва Бонки Эсхата маро даъват намуда, дар шаҳри Ваҳдат, ҷойе, ки Хайриддин Шарифзода кор мекунад мулоқот доир шуд. Он замон Шарифзода аз ман узр пурсида буд. Ҳамон вақт ба ман намояндагони бонк гуфта буданд, ки метавонӣ Хайриддин Шарифзодаро барои рафтори дағалонаш дар вақти корӣ бо муштариён, ба ҷавобгарии ҷинояти бикашӣ. Аммо он замон ман аз ӯ шикоят набурдам, ӯро бахшидам”.

Вале ба гуфтаи ин рӯзноманигори тоҷик пас аз як моҳи ҳодиса аз додгоҳи шаҳри Ваҳдат ба ӯ занг зада гуфтанд, ки оператор-нозир Хайриддин Шарифзода аз Ҳалимова барои паст задани шаъну шараф ва этибори корияш шикоят бурдааст.

Мижгона Ҳалимова мегӯяд, ки баъд аз ин кори Хайриддин Шарифзода ӯ ҳам алайҳи вай ба догоҳи шаҳри Ваҳдат аризаи муқобили даъво бурдааст. Ҳалимова ҳам аз догоҳ хостааст, ки Хайриддин Шарифзодаро барои муносибати дағалона ва алфози қабеҳ ҷавобгар кунанд.

Дар ҳамин ҳол Хайриддин Шарифзода дар ҳақ будани худ пофишорӣ намуда гуфтааст, ки “Ман дар ҳақиқат барои зан буданаш аз ӯ бахшиш пурсидам, вале баъдан вақте ӯ аксҳои маро дар шабакаҳои иҷтимоӣ нашр карду маро таҳқир намуд ва корбароне, ки шоҳиди ҳодиса набуданд нисбат ба ман суханҳои қабеҳ гуфтаанд. Пагоҳ фарзандони ман ин ҳамаро мебинанд чӣ фикр мекунанд”.

Аммо Мижгона даъвои Шарифзодаро бепоя хонда, мегӯяд ки ин корманд ба додгоҳ на ҳамчун корманди бонк, балки ба унвони шахс, шикояти инфиродӣ бурдааст ва даъвои паст задани эътибори корияш мантиқ надорад.

Ин рӯзноманигори тоҷик мегӯяд, ки мурофиаи додгоҳӣ то кунун баргузор нашудааст ва мунтазири оғози мурофиа мебошанд.

Дар гузашта ҳам Кумитаи давлатии амнияти миллии Тоҷикистон алайҳи рӯзноманигор Мижгона Ҳалимова барои хабар надодан ба мақомот парванда боз карда буд ва додгоҳи ноҳияи Исмоили Сомонии шаҳри Душанбе ӯро 25 ҳазор сомонӣ ҷарима баста буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.