-1.1 C
Dushanbe

Бар асари як садамаи мудҳиш 6 нафар ҷон бохт

Рӯзи гузашта бар асари як садамаи мудҳиш дар шоҳроҳи Душанбе – Чаноқ 6 нафар ба ҳалокат расида, 3 нафари дигар захмӣ шуданд. Дар ин бора Кумитаи ҳолатҳои фавқулоддаи Тоҷикистон хабар дод.

Бино ба иттилои дафтари матбуоти Кумитаи ҳолатҳои фавқулодда ва мудофеаи граждании назди Ҳукумати Ҷумҳурии Тоҷикистон, ин ҳодисаи маргбор 1-уми майи соли ҷорӣ соати 04:10 дақиқа ба вақти маҳаллӣ дар шоҳроҳи Душанбе-Хуҷанд-Чаноқ рух дод.

Ин ниҳод мегӯяд, як мошин дар километри 154-уми роҳи мошингарди Душанбе-Хуҷанд-Чаноқ, ки аз қаламрави ноҳияи Айнӣ убур мекард, ба ҷарӣ сарозер шуд.

“Маълум шуд, ки мошини тамғаи «Starex» ҳангоми ҳаракат аз маркази ноҳияи Айнӣ ба самти шаҳри Панҷекат ба ҷарии умқаш 200 метр сарозер шудааст. Сабаби ин ҳодиса дақиқ нест. Аммо ба эҳтимоли зиёд ронанда аз уҳдаи идораи мошин набаромадааст.”, омадааст дар хабари КҲФ.

Гуфта мешавад, дар ин ҳодиса 6 нафар ба ҳалокат расида, 3 нафар, ки дар байнашон ду кӯдак ҳам ҳаст, захм бардошта, ба беморхона интиқол ёфтаанд. Имдодгарон тавонистаанд ҷасади ронанда ва панҷ мусофири дохили мошинро берун оварда ва ба дасти мақомоти ҳифзи ҳуқуқ супуранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.