21.5 C
Dushanbe

Барканории ғайричашмдошт

Қобилҷон Гиёев, сардухтури Беморхонаи марказии ноҳия Раштро аз вазифааш сабукдуш намуданд.

Номбурда чандест, ки бо шеваи табобати дигаргунааш аз коронавирус, яъне бо доруҳои илтиҳоби шуши бузҳо табобат карданаш, дар шабакаҳои иҷтимои матраҳ буд.Қобилҷон Гиёев дар таъйиди ин хабар ба хабаргузории “Sputnik” гуфтааст, ин барканорӣ дар пайи як мактуби шикоятии Раҳимҷон Муқимӣ, раиси ноҳияи Рашт ба Вазорати тандурустӣ ва ҳифзи иҷтимоии аҳолӣ сурат гирифтааст.

Бояд гуфт, ки Қобилҷон Гиёев табиб ҷавонест, ки баъд аз пайдоиши бемории каронавирус ва табобати ғайри оддияш дар ноҳияи Рашт шинохта шуд. Ӯ борҳо таъкид медошт, ки бо доруи “зидди пневмонияи бузҳо” садҳо беморро табобат кардааст. Номбурда чанде пеш дар як суҳбати ихтисосӣ ба хабаргузории “Sputnik” гуфта буд, ки беш аз 1000 нафарро дар кишвар аз бемори ковид 19 табобат кардааст. 

Баъдтар ӯро ба Душанбе барои муъолиҷаи мансабдорони боло даъват намуда ва аз таҷрибааш дар пойтахт ва дигар навоҳии Ҷумҳурӣ кор гирифтанд. Аммо ғайричашмдошт ӯ рӯзи 1-уми июн аз мансаби сардухтурии Беморхонаи марказии ноҳияи Рашт барканор шуд. Вале Вазорати тандурустӣ ва дигар мақомот то ҳол далоили барканории ӯро шарҳ надодаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Истирдоди зодагони Язгулом аз Русия ва боздошти онҳо дар Тоҷикистон

Пулиси Русия чаҳор сокини ҷамоати Язгуломи ноҳияи Ванҷро охири моҳи апрели соли ҷорӣ боздошт ва ба Душанбе истирдод кардаанд.

Дар Душанбе шавҳар зани худро бо корд зад

Бо сабаби даргирии хонаводагӣ як мард дар Душанбе ҳамсари худро бо чанд зарби корд захмӣ кардааст.

СММ хостори озодии рӯзноманигор Рухшона Ҳакимова шуд

Созмони Милали Муттаҳид аз мақомоти Тоҷикистон озодии рӯзноманигори зиндонӣ Рухшона Ҳакимоваро талаб кард.

Меҳмони набераи Президентро дар ҷустуҷӯи байналмилалӣ қарор доданд

Мақомоти Русия блогери озаритабори 30-сола Ҳусейн Ҳасановро барои шустушӯи пул ва напардохтани андоз дар ҷустуҷӯи байналмилалӣ додаанд.