35.9 C
Dushanbe

Барои беҳтар кардани вазъи зиндагӣ ба аҳолӣ мурғи марҷон доданд

Рӯзи 18-уми феврал нишасти матбуотии Муассисаи давлатии “Маркази идораи лоиҳаи “Рушди чорводорӣ ва чарогоҳҳо” баргузор гардид. Дар ин нишаст директори муассиса Абдулаҳад Хоҷазода гуфт, ки дар соли 2020 ба 476 зани эҳтиёҷманд мурғи марҷону занбури асал тақсим намудааст.

Хоҷазода ҳадаф аз ин амалро бо шуғл ва манбаи даромад таъмин намудани онҳо гуфта аст.

“Ҳамин сол барои 70 инкубатори хонагӣ бо технологияи муосири раванди барориши чӯҷаҳо дар ихтиёри занони парандапарвар қарор дода шуд. Аввал, тарзи истифодаи онро меомӯзем, сипас, онҳо бо истифода аз тухм худ ба истеҳсоли мурғҳои хонагӣ ва марҷон шурӯъ мекунанд”, – гуфт Абдулаҳад Хоҷазода.

Ҳамчунин директори ин муаассисаи давлатӣ қайд кард, ки занони эҳтиёҷманд имкон пайдо мекунанд, ки ҳам оилаи худро бо тухму гӯшт таъмин кунанд ва ҳам ба бозори маҳаллӣ маҳсулот бароранд ва аз ин роҳ эҳтиёҷи хонаводаи худро бароранд.

Ба гуфтаи Хоҷазода, ин иқдом дар 161 деҳаҳои Тоҷикистон роҳандозӣ шудааст.

Ин иқдом дар пайи роҳандозии ду лоиҳа – “Рушди чорводорӣ ва чарогоҳҳо” ва “Дастгирии соҳаи кишоварзӣ дар заминаи ҷомиа”, ки сармоягузори ҳарду лоиҳа Фонди байнулмилалии рушди кишварии Созмони милали муттаҳид мебошад, роҳандозӣ мешаванд.

Лоиҳаи якум, ки 22,4 миллион доллар хазина дорад, моҳи феврали соли 2016 шуруъ шуда, моҳи сентябри соли равон ба анҷом мерасад.

Лоиҳаи дуввум моҳи феврали соли 2018 шуруъ шуда, моҳи марти соли 2024 ба анҷом мерасад ва 30, 6 миллион доллар ҳазина дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.