27.9 C
Dushanbe

Барои интиқоли барқи Тоҷикистон ба Узбекистон хати интиқоли он таъмир мешавад

Акс: minenergy.uz

Ширкати электроэнергетикии Узбекистон ба таъмиру навсозии хати интиқоли барқ (ХИБ)-и “Гузар-Регар”, ки тариқи он кишвари ҳамсоя аз Тоҷикистон нерӯи барқ мегирад, оғоз кардааст. Дар ин бора хабаргузории “Asia-Plus” бо такя ба Вазорати энергетикаи Узбекистон хабар дод.

Вазорати энергетикаи Узбекистон хабар додааст, ки “Дар доираи лоиҳа қитъаи 63-километрии ХИБ 500 кВ  “Гузар-Регар” (Л-507) дар қаламрави Узбекистон таъмиру навсозӣ мешавад”.

Ба гуфтаи Вазорати энергетикаи Узбекистон, арзиши пешакии лоиҳа 25 млн доллар арзёбӣ шудааст. Гуфта мешавад, ин Лоиҳа дар ҳамдастӣ бо ширкати “Shanghai Electric Power Transmission & Distribution”-и Чин, ғолиби тендери байнулмилалӣ амалӣ мегардад.

Акс: shanghai-electric.com

Ҳамчунин ин лоиҳа бар асоси протоколи Комиссияи байниҳукуматии Тоҷикистону Узбекистон оид ба ҳамкории тиҷоративу иқтисодӣ татбиқ мегардад.

Ба навиштаи Вазорати эгергетикаи Узбекистон “Лоиҳа ба таъмини эътимоднокии интиқоли барқ ҳангоми кори якҷояи низомҳои энергетикии Узбекистону Тоҷикистон равона шудааст”.

Моҳи марти соли 2018, Тоҷикистону Узбакистон созишнома дар бораи барқарор кардани ҳамкориҳои энергетикии ду кишварро ба имзо расониданд.

Моҳи июли соли равон “Шабакаҳои миллии барқи Узбакистон” эълом доштанд, ки Тоҷикистон ба сабаби камбуди об дар обанбори ин кишвар содироти нерӯи барқ ​​ба Узбакистонро коҳиш додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...