29.9 C
Dushanbe

Барои рушди иқтисоди воқеӣ $1,2 миллиард ҷудо мегардад

Барои рушди иқтисоди воқеии Тоҷикистон дар соли 2023 беш аз 12,6 миллиард сомонӣ  (беш аз 1,2 миллиард доллар) ҷудо карда мешавад. Дар ин бора Avesta.tj дар истинод ба Вазорати молияи Тоҷикистон хабар дод.

Бино ба иттилои манбаъ, ин маблағ ба 9,8 дарсади маҷмӯи маҳсулоти дохилии кишвар баробар буда, он дар тарҳи буҷаи давлатӣ барои соли 2023 пешбинӣ шудааст.

Зиёда аз 6 миллиард сомонии ин маблағ ба рушди бахши сӯзишворию соҳаи энержӣ равона карда мешавад. Вазифаи аввалиндараҷаи саноат аз таъмини маблағ ба сохтмон ва азнавсозии пойгоҳҳои барқи-обии кишвар мебошад.

Рушди иқтисодӣ дар Тоҷикистон дар соли 2023 дар сатҳи 7,8 дарсад пешбинӣ шуда, ҳаҷми маҷмӯи маҳсулоти дохилӣ тибқи дурнамо 127 миллиарду 300 миллион сомониро ташкил медиҳад.

Даромади буҷаи давлатӣ аз ҳисоби ҳамаи манбаъхои даромад 37 миллиарду 100 миллион сомонӣ пешбинӣ шуда, хароҷот 1 миллиард сомонӣ бештар аз даромад, яъне 38,1 миллиард сомониро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.