5.9 C
Dushanbe

Барои рушди сайёҳӣ, БОР ба Тоҷикистон 10 млн доллар грант медиҳад

Акс аз: “Ozodi.org”

Тибқи хабари намояндагии доимии Бонки осиёии рушд дар Душанбе баҳри татбиқи лоиҳаи рушди сайёҳӣ, ин бонк ба Тоҷикистон 10 млн доллар кумаки бебозгашт ҷудо мекунад.

“Asia-Plus” менависад, ки шартномаҳо оид ба амалисозии лоиҳаи мазкур аз ҷониби Созмони ҷаҳонии саёҳии СММ ((ЮНВТО), Кумитаи рушди сайёҳии назди ҳукумати ҶТ ва ду ташкилоти ҷамъиятии маҳаллӣ: Фонди коҳиши камбизоатӣ ва Маркази таҳлилии “Наво” имзо шудаанд. “ЮНВТО” ва ду ташкилоти ҷамъиятӣ ба Кумитаи рушди сайёҳӣ дар таҳияи нахустин ҳисоби ёридиҳандаи сайёҳӣ дар Тоҷикистон, симои сайёҳии кишвар ва нақшаи рушди устувори ин соҳа кумак мекунанд”, – омадааст дар хабар.

Дар назар аст, ки ин лоиҳа 12 моҳ фаъолият кунад. Пас аз пурра барқарор шудани фаъолияти сайёҳӣ дар кишвар, корҳои таҳқиқотӣ барои ҷамъоварии маълумот дар бораи демография, интизориҳо, фаъолият, манбаъҳои иттилоот, сатҳи қаноатбахшӣ, сохтори хароҷот ва муносибати сайёҳони хориҷӣ ва дохилӣ ба ин бахш гузаронида мешавад. Ба навиштаи навоядагии (БОР) дар Тоҷикистон, маълумоти ҷамъоваришуда ба мустаҳкам намудани омори бахши сайёҳӣ ва беҳтар муайян кардани саҳми ин соҳа ба рушди иқтисоди Тоҷикистон мусоидат менамоянд.

“Нақшаи пешниҳодшудаи рушди устувори сайёҳӣ ба тарҳрезӣ, бозорёбӣ (маркетинг) ва амалисозии лоиҳаҳо беҳбуд мебахшад, то ки Тоҷикистон ҳамчун самти ояндадори сайёҳӣ мавқеъгирӣ кунад”, – таъкид мешавад дар хабар.

Ин гранти мазкур аз ҷониби Бонки осиёии рушд барои кумак ба Тоҷикистон дар рушди соҳаи сайёҳӣ бар асоси меъёрҳои байнулмилалӣ моҳи октябри соли 2019 ҷудо шудааст. Ин лоиҳаи (БОР) ҳарчанд нахустин дар бахши сайёҳӣ бошад ҳам вале, ин аввалин кӯмаки бонк ба Тоҷикистон нест. Бино ба маълумоти худ (БОР) то декабри соли 2019 ин бонк ба 158 лоиҳа дар Тоҷикистон грант ё қарз додааст, қи ҳаҷми умумии он 1,87 миллиард долларро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.