28.9 C
Dushanbe

Баррасии ҳамкориҳои Бонки ҷаҳониву Тоҷикистон

Рӯзи 1-уми майи соли ҷорӣ намояндагони Бонки ҷаҳонӣ бо мақомоти тоҷик дар шаҳри Душанбе масъалаи ҳамкориҳои дуҷониба дар соҳаи энергетикаро баррасӣ карданд.

Дафтари матбуоти Вазорати энергетика ва захираҳои оби Тоҷикистон имрӯз хабар дод, ки вазири ин ниҳод Далер Ҷумъа бо мудири иҷроия дар умури энергетикаи Бонки ҷаҳонӣ барои кишварҳои Аврупо ва Осиёи Марказӣ хонум Судешна Гош Банерҷӣ ва ҳайати ӯ вохӯрӣ кард.

Гуфта мешавад, Вазир зимни мулоқот аз раванди талошҳои Бонки ҷаҳонӣ дар самти ҷалби маблағгузорӣ ва ҳамоҳангии дигар шарикон барои маблағгузории неругоҳи барқи обии Роғун, изҳори сипос намуд.

Ба иттилои Вазорати энергетикай кишвар, ҳамзамон “дар мулоқот раванди омодасозии лоиҳаи хусусии нерӯгоҳи барқи офтобӣ дар вилояти Суғд (бо иқтидори 200 МВт), омодагиҳо ба таҳияи лоиҳаҳо дар самти таъмини гармӣ дар шаҳрҳои калони Тоҷикистон, лоиҳаи кам намудани талафоти неруи барқ дар шабакаҳои тақсимоти барқ, лоиҳаҳои минтақавӣ ва корҳои омодагӣ ба баргузории Конференсияи 5-уми Осиёи Марказӣ оид ба тағйирёбии иқлим” мавриди баррасӣ қарор гирифтанд.

Бонки ҷаҳонӣ дар соҳаҳои гуногуни Тоҷикистон соли гузашта 295 миллион доллар сармоягузорӣ карда, аммо омори ин бонк нишон медиҳад, ки дар чормоҳаи аввали соли ҷорӣ аллакай 200 миллион доллар дар кишвар сармоягузорӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.