Мақомҳои олии Тоҷикистон ва ЮНИСЕФ-и Созмони Милали Муттаҳид дар бораи барномаҳои кунунӣ ва дурнамои ҳамкориҳои худ дар шаҳри Душанбе гуфтугӯ карданд.
Бино ба иттилои расмӣ, 12-уми июни соли 2023 Вазири корҳои хориҷии Тоҷикистон бо раҳбари Намояндагии Хазинаи кӯдакон (ЮНИСЕФ)-и Созмони Милали Муттаҳид дар Тоҷикистон мулоқот кардааст.
Ба гуфтаи сомонаи Вазорати корҳои хориҷии Тоҷикистон, Сироҷиддин Муҳриддин ҳангоми мулоқот бо Осама Маккавӣ Аснои “ҳолати кунунӣ ва дурнамои рушди ҳамкории судманди Тоҷикистон ва ЮНИСЕФ-ро мавриди баррасӣ қарор дода, мавзуоти марбут ба лоиҳаҳои дар Тоҷикистон татбиқшавандаро матраҳ намуданд.”
Гуфта мешавад, Хазинаи кӯдакони Созмони Милали Муттаҳид аз соли 1993 то ин ҷониб “дар бахшҳои ҳифзи кӯдакон, тандурустӣ, сиёсати иҷтимоӣ, рушд ва таҳсилоти барвақтии кӯдакон, WASH (таъмини об, санитария ва беҳдошт), вокуниш ба ҳолатҳои фавқулодда, тағйирёбии иқлим ва омодагӣ ба офатҳои табии ЮНИСЕФ бо кӯдакон ва ҷавонони дорои маъюбият фаъолият менамояд.”
