Вазирони корҳои хориҷии Тоҷикистон ва Эрон зимни тамоси телефонӣ ба густариши ҳамкориҳо байни ду кишвар таъкид карданд.
Бино ба иттилои расмӣ, 2-уми августи соли 2023, “вазири корҳои хориҷии Ҷумҳурии Тоҷикистон Сироҷиддин Муҳриддин бо вазири корҳои хориҷии Ҷумҳурии Исломии Эрон Ҳусейн Амирабдуллоҳиён суҳбати телефонӣ анҷом дод.”
Вазорати корҳои хориҷии Тоҷикистон мегӯяд, дар рафти ин суҳбати телефонӣ “масъалаҳои мубрами муносибатҳои дуҷонибаи байни ду кишвар дар самтҳои мухталиф ва масоили дигари мавриди таваҷҷуҳи тарафайн баррасӣ гардиданд.”
Ҳамзамон Вазорати корҳои хориҷии Эрон гуфтааст, Сироҷиддин Муҳриддин, вазири корҳои хориҷии Тоҷикистон “бар даъвати расмӣ аз оқои дуктур Раисӣ барои сафари дуҷонибаи Душанбе таъкид кард.”
Гуфта мешавад, муносибатҳои сиёсӣ ва диполматии Тоҷикистон ва Эрон, ки дар замони раҳбарии Ҳасан Руҳонӣ ба пойинтарин сатҳи ҳамкориҳо расида буд, аммо пас аз рӯи кор омадани Раисӣ ва тағйири вазъияти минтақа ва ҷаҳон муносибатҳо қавитар шудааст.
