Сарони дастгоҳҳои дипломатии Тоҷикистон ва Қазоқистон дар бораи рушди ҳамкориҳои ояндаи худ дар пойтахти Қазоқистон гуфтугӯ карданд.
Бино ба иттилои расмӣ, 27-уми феврали соли 2023, Сироҷиддин Муҳриддин, вазири корҳои хориҷии Тоҷикистон бо муовини сарвазир ва вазири корҳои хориҷии Қазоқистон ҷаноби Мухтор Тлеуберди дар шаҳри Остона, пойтахти Қазоқистон мулоқот кард.
Дар ин мулоқот ҷонибҳо дар бораи “масъалаҳои мубрами муносибатҳои шарикии стратегии Тоҷикистону Қазоқистон, инчунин ҳамкориҳо дар чорчӯби созмонҳои байналмилалӣ” суҳбат карданд.
Гуфта мешавад, вазирони корҳои хориҷии ду кишвар дар рафти ин мулоқот низ баъзе масоили марбут ба мулоқоти сарони кишварҳо, ки дар соли 2023 ба нақша гирифта шудааст, муҳокима карданд.
