28.9 C
Dushanbe

Бек Сабур куҷост? Чаро вазир дар нишастҳои матбуотӣ нест?

Рӯзи 28-уми июли соли ҷорӣ Хадамоти алоқаи назди Ҳукумати Тоҷикистон нишасти матбуотӣ баргузор кард. Дар ин нишаст мисли нишастҳои қаблӣ сардори ин ниҳод Бек Сабур, қудои Эмомалӣ Раҳмон ҳузур надошт.

Нишасти матбуотии имрӯзаро низ муовини сардори Хадамоти алоқа Илҳомҷон Атоев бо рӯзноманигорон гузаронд.

Муовини сардори Хадамоти алоқаи кишвар зимни қироати гузориши ниҳодаш гуфт, ки аз 1-уми августи соли 2023 пардохти андозҳо, боҷҳои давлатӣ, хидматрасониҳои тиббӣ ва хидматрасониҳои комуналӣ ва дигар навъи пардохтҳо барои буҷа тариқи ғайринақдӣ амалӣ мегарданд.

Хабарнигорон аз муовини сардори Хадамоти алоқаи кишвар пурсиданд, ки чаро бо вуҷуди таъкиди расиҷумҳур аз паст будани сифати интернету гарон будани нархи он ҳоло ҳам ин мушкилӣ бартараф нашудааст, посухҳои мушаххас надода аз асли қазия фирор кардан мехост. Ӯ гуфт, барои беҳтар шудани сифати интернет дар Душанбе ва навоҳии тобеи марказ 443 истгоҳи базавӣ бо дараҷаи насли 3G 4G насб кардаанд.

Илҳомҷон Атоев таъкид дорад, ки суръати интернет беҳтар шудааст, вале корбарон ин гуфтаи муовини вазирро рад карда, мегӯянд, на суръати интернет хуб шудааст ва на нархи он арзон.

Ҳамчунин хабарнигорон аз Атоев пурсиданд, ки чаро худи сардори Хадамоти алоқа дар нишасти матбуотӣ ҳузур пайдо намекунад, ки ба суоли хабарнигорон худаш посух бидиҳад? Муовини ӯ гуфт, Бек Сабур имрӯз дар ҷаласаи Ҳукумат иштирок дорад ва ба ин хотир натавонист дар нишасти матбуотӣ ширкат кунад.

Аммо Бек Сабур ҳамчун сардори ин ниҳоди давлатӣ чанд солест дар чунин нишастҳо иштирок намекунад ва аз хабарнигорон рӯбарӯ намешавад. Сабаби ҳузур наёфтани Бек Сабурро бархе дар муомилаи дурушти ӯ бо рӯзноманигорон ва ё посухҳои берабт додан ба суолҳо ва аз ин хотир мавриди интиқоди корбарон қарор гирифтанаш марбут медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.