32.9 C
Dushanbe

Белорус гуфт, маҷбур аст силоҳи ҳастаии Русияро дар хокаш роҳ диҳад

Кишвари Белорус рӯзи сешанбе гуфт, фишорҳои Ғарб мақомоти ин кишварро маҷбур сохт, ки ба ҳузури силоҳҳои ҳастаии Русия дар хокаш иҷозат диҳад.

Рӯзи 28-уми марти соли ҷорӣ Вазорати корҳои хориҷаи Белорус бо нашри изҳороте гуфт, ки фишорҳои кишварҳои ғарбӣ болои ин кишвар боис шуда, ки аз силоҳҳои ҳастаии Русия дар кишвараш мизбонӣ кунад. Мақомоти ин кишвар таъкид мекунад, ки истиқрори силоҳҳои ҳастаии Русия дар хоки Белорус бо тавофуқномаҳои байналмилалӣ мухолифат надорад.

Вазорати корҳои хориҷаи Белорус дар изҳороташ таъкид мекунад, ки истиқболаш аз силоҳҳои ҳастаии (тактикии) Русия дар вокуниш ба “фишорҳои бесобиқаи Ғарб” сурат гирифтааст. “Белорус маҷбур аст барои тақвияти нерӯҳои амниятӣ ва дифоии худ иқдомеро анҷом диҳад”, омадааст дар изҳороти ВКХ ин кишвар.

Инчунин Вазорати корҳои хориҷаи Белорус таъкид мекунад, ки контрол ва ҳидояти ин силоҳҳои ҳастаии Русия бар уҳдаи Минск нест. Ва истиқрори онҳо дар хоки Белорус низ бар хилофи аҳдномаҳои манъи силоҳи ҳастаӣ нест.

Ёдовар мешавем, ки 25-уми марти соли ҷорӣ Владимир Путин, раисҷумҳури Русия дар як суханронияш гуфта буд, ки Маскав қасд дорад “силоҳи ҳастаиии тактикӣ”-и худро дар хоки Белорус ҷогузорӣ кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.