17.9 C
Dushanbe

Беш аз 1 млн муҳоҷири ғайриқонунӣ дар Аврупо

Соли гузашта дар кишварҳои аврупоӣ беш аз 1 миллион муҳоҷир ғайриқонунӣ иқомат доштаанд, ки ин нисбат ба соли 2021 59 дарсад бештар гуфта мешавад. 

Бино ба иттилои Бюрои омори Аврупо (Eurostat), аз шумораи умумӣ 222 520 ҳолати будубоши ғайриқонунии муҳоҷирон дар Маҷористон, 198 310 ҳолат дар Олмон ва 138 420 ҳолати дигар дар Италия ба қайд гирифта шудааст. 

Тибқи ин омори расмӣ, аз ҳама бештар миёни миллатҳо, суриягиҳо дар кишварҳои аврупоӣ иқомати ғайриқонунӣ доштаанд, ки шумораашон 175,960 нафарро ташкил додааст. Пас аз он афғонҳо (бо шумори 119,520 нафар) ва марокашиҳо (60,215 нафар) мебошанд.

Дар соли 2022 ба 422,400 нафар фармон дода шуда, ки хоки иттиҳоди Аврупоро тарк кунанд ва ин шумора нисбат ба соли 2021 беш аз 23 дарсад гуфта мешавад. Тибқи ин омор, аз ҳама бештар Фаронса (бо 135,650 нафар), Хорватия (ба 40,525 нафар) ва Юнон (ба 33,500 муҳоҷир) фармони тарки хокро содир кардаанд. 

Теъдоди афроде, ки ба кишвари дигар баргардонида шудаанд, дар соли 2022 ба 96,795 нафар расидааст, ки асосан аз албаниҳо (9,950), гурҷҳо (8,040) ва суриягиҳо (5,590) иборат будаанд.

Аз ҳама бештар Фаронса (14,240) Олмон (13,130) ва Шветсия (10,490) аз баргардондани одамон ба дигар кишварҳо гузориш додаанд. 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.