23.2 C
Dushanbe

Беш аз 100 кушта ва захмӣ дар Доғистон

Бар асари таркиш ва сухторе, ки шоми гузашта дар пойтахти Доғистон сурат гирифт, зиёда аз 100 нафар кушта ва захмӣ шудааст.

Бино ба иттилои расонаҳо, имрӯз, 15-уми августи соли 2023, Сергей Меликов, раҳбари Ҷумҳурии Доғистони Федератсияи Русия ба хотири қурбониёни ҳодисаи таркиш ва сипас сӯхторе, ки шоми 14-уми августи соли ҷорӣ дар пойтахти ин кишвар рух дод, мотами миллӣ эълон кард.

Раҳбари Доғистон бо изҳори ҳамдардӣ ба наздикону пайвандони ҷонбохтагон ва захмиҳову зарардидаҳо ин ҳодисаро як фоҷеаи бузург арзёбӣ карда, тибқи оморҳои расмӣ то соати 06:00 теъдоди осебдидаҳоро 102 нафар, аз ҷумла 27 нафар ҷонбохта гуфта буд.

Ба қавли расонаҳои русӣ, тибқи оморҳои ахир, теъдоди ҷонбохтагони таркиш ва сӯхтор дар нуқтаи фурӯши сӯзишворӣ (НФС)-е дар Маҳаҷқалъа, то 35 нафар афзоиш ёфта, бархе дигар аз маҷруҳон, ки теъдоди онҳо зиёда аз 70 нафар гуфта мешавад, вазъи саломатиашон вазнин арзёбӣ мешавад.

Гуфта мешавад, шоми 14-уми августи соли ҷорӣ нахуст таркише дар як коргоҳ дар ҳамсоягии яке аз НФС ” Нафта 24″, тақрибан соати 21:40 дар Махаҷқалъа, пойхтахти Доғонистон рух дода, сипас алангаи ин оташ ба нуқтаи фурӯши сӯзишворӣ ҳам расид ва оташсӯзии азиме ба вуқӯъ пайваст. Хадамоти оташнишонӣ ва дигар мақомот бо кумаки мардум тавонистанд, ки баъд 4 соат алангаи оташро пурра хомӯш кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.