35.9 C
Dushanbe

Билетҳои парвози чартериро муҳоҷирон то 45 ҳазори русӣ мехаранд

Сурат: tj.sputniknews.ru

Намояндаи ширкати ҳавопаймоии “Utair-т”- Русия хабар додаст, ки билетҳои хатсайри Душанбе – Маскав, ки парвози он санаи 14 ноябр анҷом мепазирад, ҳамааш фурӯхта шудааст.

Гуфта мешавад, арзиши чипта аз 42 то 45 ҳазор рубли русиро ташкил медиҳад.

“Азия-Плюс” аз манбааш аз ширкати “Utair” дар Тоҷикистон навшитааст, ки билетҳо ба хатсайрҳои пешбинишуда ба рӯзҳои 21 ва 28 ноябр ҳоло ба фурӯш гузошта нашудаанд.

Намоянаи ширкат иброз дошта, ки шумораи хоҳишмандони сафар аз Тоҷикистон ба Русия хело зиёд аст, ки метавонанд аз билетҳои парвозҳои 21- 28 ноябр харидорӣ намоянд.

Вале маълум нест, ки билетҳои санаи 21 кай ба фурӯш гузошта мешаванд, гуфтааст манбаи “Азияи Плюс”.

Ба гуфтаи ӯ, билетҳоро дар сомонаи расмии ширкати ҳавопаймоӣ ва нуқтаҳои билетфурӯшии Тоҷикистон ва Русия харидан мумкин аст.

“Агар ба баровардани шаҳрвандони Тоҷикистон аз Русия иҷоза мебуд, билетҳо хеле арзонтар мешуданд”, – мегӯяд масъули ширкат.

Маврид ба ёдоварист, ки бадъ аз рӯзи 31 октябр – замоне, ки ҷониби Русия ба ширкати “Сомон Эйр” иҷозати парвоз надод ва зиёда аз 200 нафар шаҳрвандони Тоҷикистон дар фурудгоҳи Домодедово дармонда буданд, ҷонибҳо иттифоқ намуданд, ки ширкати “Utair-т” ҳам ба Тоҷикистон парвози чартерӣ анҷом бидиҳад.

Гуфта мешавад, хатсайрҳои мазкур барои аз хориҷа ба ватан баргардонидани шаҳрвандони Русия, инчунин шахсоне, ки ҷиҳати вуруд ба Русия мутобиқи фармоиши ҳукумати Русия аз 16 март (№635) асос доранд, пешбинӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.