-3.1 C
Dushanbe

Биноҳои харобшуда дар Қирғизистон аз ҷониби давлат барқарор карда мешаванд

Мақомоти Қирғизистон эълом доштанд, ки тамоми хонаҳо ва ашёе ки ҳангоми даргириҳои мусаллаҳона бо Тоҷикистон хароб гардидаанд аз ҳисоби давлат барқарор карда мешаванд.

Хабаргузории “Спутник” бо такя ба гузориши дафтари матбуоти раиси ҷумхури Қирғизистон навишта, ки хонаҳои вилояти Ботканд, ки дар натиҷаи ҳодисаҳои ахир дар қитъаи қирғизу тоҷики марзи давлатӣ осеб дидаанд аз ҳисоби давлат пурра барқарор мешаванд.

Ба гуфтаи муовини вазири ҳолатҳои фавқуллодаи Қирғизистон Арматбек Шамирканов ҳангоми муноқишаи мусаллаҳона бо Тоҷикистон дар минтақаи Ботканд  78 бинои истиқоматӣ қисман ё комилан хароб шуда аст, ҳамчунин 10 нуқтаи фурӯши сузишворӣ, 8 дукон 3 постгоҳи марзӣ, 2 мактаб, пункти фелдшерӣ, боғча ва биноҳои шуъбаи пулиси маҳаллӣ хароб карда шудаанд.

Тибқи омори вазорати тандурустии Қирғизистон дар ҷараёни муноқишаи мусаллаҳона 178 шаҳрванди ин кишвар маҷрӯҳ гардида ва 34 нафари дигар кушта шуданд.

Мақомоти Тоҷикистон то ба ҳол шумори маҷрӯҳону кушташудагон ва ашёи тахрибшударо ифшо накарда аст.

Ба гуфтаи сокинони деҳаи Хоҷа Аълои шаҳри Исфара дар инҷо ҳангоми муноқишаҳо дар марзи Точикистону Киргизистон беш аз 10 хона хароб шуда аст. Инчунин бар асоси маълумоти ғайрирасмӣ дар натиҷаи ин муноқиша 100 нафар захмӣ ва 16 нафар кушта шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.