Вазири корҳои хориҷаи Иёлотои Муттаҳидаи Амрико Энтони Блинкен мегӯяд, агар раисҷумҳури Русия Владимир Путин бихоҳад, ҷанг дар Украина худи ҳамин рӯз хотима меёбад.
Энтони Блинкен меафзояд, агар фурсати сулҳу созиш дар ҷанги Украинаву Русия пеш биёяд, ҳатман аз он истиқбол хоҳанд кард. “Вале чун раисҷумҳури Русия Владимир Путин ҷангро оғоз кардааст, ӯ низ метавонад онро хотима диҳад.”
Ин дар ҳолест, ки чанде пеш мақомоти Русия ва ҳатто Путин гуфта буд, ки калиди хотимаи ҷанг дар дасти Амрико аст, ҳар вақте раисҷумҳури ин кишвар Ҷо Байден хост, метавонад ҷанг хотима ёбад.
Ғарб ва дар раъси он Амрико аз ҳомиёни аслии Украина ба шумор рафта, ин кишварро бо силоҳ ва муҳимоти ҷангӣ таъмин мекунад. Русия Ғарбро ба хотири додани силоҳ ба мақомоти Киев сабабгори идома ёфтани ҷанг дар ин кишвар медонад, аммо кишварҳои аврупоӣ ва Амрико Русияро ба хотири ҳамлаҳои бедалел ба хоки Украина гунаҳкори асосӣ ин ҷанг меҳисобанд.
