14.9 C
Dushanbe

БО ПАРВАНДАИ СОХТА МОРО ЗИНДОНӢ КАРДАНД!

Шуҳрати Раҳматулло, писари Раҳматуллои Раҷаб, маҳбуси сиёсӣ ва собиқ узви Раёсати Олии ҲНИТ дар саҳифаи фесбукияш матлаби шеъриеро нашр карда, ки зоҳиран аз эҷодиёти худи Раҳматуллои Раҷаб мебошад, ки аз дохили зиндон навиштааст.

Раҳматуллои Раҷаб дар ин шеъри худ аз бегуноҳ ба зиндон маҳкум шудан ва ноадолитиҳо нисбати худ ва ҳаммаслаконашро ба риштаи назм даровардааст.

Bei Facebook anmelden
Melde dich bei Facebook an, um dich mit deinen Freunden, deiner Familie und Personen, die du kennst, zu verbinden und Inhalte zu teilen.

                М У Н О Ҷ О Т

Ай Худои меҳрубон дарди дилам даво кун,

Ин дили озурдаро аз банди ғам раҳо кун.

***

Мо бандаи Аллоҳем уммати Расулаллоҳ,

Ҳар амри он зоти пок иншоаллоҳ орем ба ҷо.

Роҳу равиши сарвар сармашқи зиндагӣ аст,

Дар амал татбиқи он имону бандагӣ аст.

Бо амри тақдири ӯ зиндон шуд макони мо,

Умеди кафоратро дорем талаб аз Худо.

***

Бадхоҳони худхоҳу кинаву адоватдор,

Динситезу беномус, бадкору бенангу ор.

Бо парвандаи сохта моро қурбонӣ карданд,

Шарм аз Худо накарда, моро зиндонӣ карданд.

Дар айни бегунохӣ, дар бандему маҳбусем,

Ҳам бемору нотавон, озурдаву маъюсем.

Созмонҳои ҷаҳонӣ ҷор мезананд аз дифоъ,

Аз даромади ҳангуфт мекунанд кайфу сафо.

Ҳаммаслакон дар хориҷ гӯё дар фикри моянд,

Бо дархости чанд талаб моро ҳимоят доранд.

Масъулони давлатӣ моро душман мехонанд,

Бар аҳли хонадонмон таҳқир раво медонанд.

Эй соҳибони даврон надоред тарс аз Худо,

Бо қатъият гӯем мо бас дигар ҷабру ҷафо!

***

Парвардигори олам дарди дилам даво кун,

Ҷигарбандони моро аз ҷабру зулм раҳо кун.

Дуъои мо бипазир, эй яктои чорасоз,

Наҳзатиёни моро аз зиндонҳо озод соз.

Ҷобир Раҳматуллои Раҷаб

11.03.2021с. Зиндон-Душанбе

Ҷобир Раҳматуллои Раҷаб 5-уми июни соли 1958 дар деҳаи Такназарии ноҳияи Файзобод ба дунё омада, соли 1982 Донишкадаи омӯзгории Душанбе ва соли 1990 риштаи иқтисодии Донишгоҳи давлатии Тоҷикистонро ғоибона хатм кардааст.

Раҳматуллои Раҷаб дар замони Шӯравӣ дар кумитаи омори Тоҷикистон кор мекард. Ӯ соли 1990 ба ҷунбиши Растохез пайваст ва соли 1992 муовини мудири барномаҳои ТМТ – Телевизиони мардумии Тоҷикистон – таъйин шуд.Ӯ солҳои 1994-1996 сармуҳосиби Иттиҳодияи давлатии кооперативии ГКО “Роҳсоз”, сипас солҳои 1999-2004 дар созмони имдодии “Mission East” фаъолият карда, солҳои 2005-2006 дар нашрияи “Миллат” кор кардааст.

Раҳматуллои Раҷаб солҳои 2006-2007 дар чопхонаи ҶДММ “Рафиграф” ба ҳайси ҷонишини мудир кор карда, сипас дар ҲНИТ ба кори ҳизбӣ гузашт. Ӯ ҳамчун корманди Шӯъбаи кадрҳо ва омӯзиши сиёсии ҲНИТ фаъолият намуда, аз соли 2006 корманди Шӯъбаи интихоботӣ ва соли 2007 раиси Шӯъбаи интихоботии ҲНИТ кор карда, соли 2010 узви РО ҲНИТ шуд ва соли 2013 раиси ноҳияҳои тобеи марказӣ дар ҲНИТ интихоб шуд.

Раҳматуллои Раҷаб 16-уми сентябри соли 2015 ҳамроҳи 12 тани дигар аз роҳбарони ҲНИТ дастгир шуд ва моҳи июни соли 2016 бо ҳукми Додгоҳии олии Тоҷикистон ба 28 соли зиндон маҳкум шуд. Раҳматуллои Раҷаб ҳоло дар колонияи низомаш сангин дар Муассисаи ислоҳотии ЯС №3/1-Сарраёсати иҷрои ҷазои ҷиноятии Вазорати адлияи ҶТ адои ҳукм мекунад.

Раҳматуллои Раҷаб соҳиби 5 фарзанд аст.

Аз Идораи сомона: Матолибе, ки дар гӯшаи “Блоги Шумо” ба нашр мерасанд, назари шахсӣ ва ё таҳлили муаллифон буда, баёнгари мавқеи “Аздо тв” нестанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.