Бо парвозҳои чартерӣ чӣ қадар муҳоҷир ба Тоҷикистон баргашт?
Аслишо Нодиршоев сардори Раёсати муҳоҷирати меҳнатии Вазорати меҳнат ва шуғли аҳолии Ҷумҳури Тоҷикистон ба сомонаи “Фараж” гуфтааст, баъд аз интишори корона ва қатъи парвозҳои мустақим байни Тоҷикистону Русия то имрӯз зиёда аз 90 ҳазор шаҳрвандони Тоҷикистон тавассути парвозҳои чартерӣ ба Ватан баргардонида шуданд.
Бино ба гуфтаи Нодиршоев ҳамасола аз Тоҷикистон барои муҳоҷират тақрибан 500 ҳазор нафар ба дигар кишварҳо мераванд. Дар соли 2020 ба Федератсияи Русия 129 ҳазор нафар рафтаанд, ки аз онҳо 112 927 мард ва 16 880 зан будаанд.
Ӯ Русияро яке аз кишварҳои қабулкунандаи муҳоҷирон уновн карда мегӯяд, ки “90 % муҳоҷирони тоҷик ба ин кишвар рафтаанд, 10 %-и ба Қазоқистон ва дигар кишварҳо”.
Ба иттилои Вазорати меҳнат, дар Тоҷикистон айни ҳол 267 ширкати сохтмонӣ фаъолият дорад, ки 34 528 кормандони онҳо шаҳрванди Тоҷикистон буда, 4 ҳазор шарҳвандони хориҷӣ ҳастанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.