-2.1 C
Dushanbe

Бояд мансабдорон бо омодагии хуб ба ҷаласаҳои Парлумон ҳозир шаванд

Раиси Агентии назорат дар соҳаи маорифи Тоҷикистон Шоҳин Саидзода дирӯз 23 декабр дар ҷаласаи Парлумон ба суолҳои вакилон пурра посух дода натавонист.

Бепосух мондани суолҳо вакилонро нороҳат кард. Онҳо мегӯянд, Саидзода беомодагӣ ба Парлумон омада буд ва мебоист пеш аз омадан ба ҷаласаи Парлумон омодагии хуб медид. Вале Саидзода дар суҳбат ба Радиои Озодӣ гуфт, ӯ омодагӣ дида буд, вале ба суолҳои вакилон ҷавоби пурра надоданашро ба вазъи саломатии худ ва паст ҳарф задани вакилон рабт дод.

Шоҳин Саидзода дар ҳузури вакилони Маҷлиси Намояндагон се тарҳи қонунро муаррифӣ кардааст, ки ба тағийроти имлоӣ ва мушаххас кардани салоҳиятҳои ниҳоди зери раҳбарияш рабт дошт.

Бино ба навиштаи Радиои Озодӣ дар ҷаласаи Парлумон Абдуҳалим Ғаффорзода, раиси Ҳизби сотсиалистӣ ва вакили Порлумон аз ӯ дар мавриди адади мактабҳои ибтидоии касбӣ ва барномаи таълимии онҳо ва то куҷо ба талаботи имрӯза ҷавобгӯ ҳастанд, пурсидааст.

Саидзода ба суолҳо комил посух надода, танҳо гуфта, ки дар умум дар Тоҷикистон чаҳор ҳазор муассисаи таълимиро сабт кардаанд. Дар мавриди сифтаи таълим гуфт, ки “сатҳу сифати таълим дар ҳисоботи солона пурра дарҷ карда мешавад ва ҳоло рақамҳо пурраву дақиқ нестанд.”

Ба тарзи посухгӯии Саидзода вакилон вокуниш нишон доданд, аз ҷумла Саидҷафъар Усмонзода, раиси Ҳизби демократ ва вакили Маҷлиси намояндагон хитоб ба Саидзода гуфт, “Ҳукумат ба Шумо бовар кардааст. Вазифаи беҳад калон доред, барои синну солатон беҳад калон аст. Ба дараҷаи даркорӣ тайёрӣ надида омадед. Фарқ надорад, ки бори аввал аст ё дуввум, вазифадоред, ки хуб тайёрӣ дида оед”.

Раиси Агентии назорат дар соҳаи маориф баъд аз поёни ҷаласаи Порлумон дар суҳбат бо Радиои Озодӣ гуфтааст, бо омодагӣ ба маҷлис омад, вале вазъи саломатияш чандон хуб нест. Вай афзуд, “эроде, ки гирифта шуд, дар ҳақиқат ҷой дорад, лекин вазъи саломатиям чандон хуб нест. Баъдан бисёр паст гап мезананд, суолро хуб нафаҳмидам.”

Сурат: Озодӣ

Шоҳин Саидзода фарзанди Нуридин Саид собиқ вазири маориф ва илми Ҷумҳури Тоҷикистон ва ҳоло Раиси кумитаи радио ва телевизиони Ҷумҳурии Тоҷикистон фаъолият дорад.

Шоҳин Саидзода 36 сол дорад, ки чанде қабл номаш дар пойгоҳи дисернет дар мавриди асардӯздӣ баромада буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.