16.9 C
Dushanbe

Бонки ҷаҳонӣ: интиқоли пул аз Русия ба Тоҷикистон 25% коҳиш меёбад

Дар пасманзари буҳрони иқтисодии Русия, ки бар асари ҳамла бар Украина ба вуҷуд омадааст, Бонки ҷаҳонӣ мегӯяд, дар соли 2022 интиқоли маблағи муҳоҷирони тоҷик ба кишварашон 25% коҳиш меёбад.

Дар гузориши Бонки ҷаҳонӣ гуфта мешавад, муҳоҷирони тоҷик дар соли 2020 2,18 миллиард доллари амрикоӣ ба Тоҷикистон фиристоданд, аммо дар соли 2021 он ба 1,8 миллард расид ва ин омор дар соли ҷорӣ боз 25 дарсади дигар коҳиш меёбад.

Тибқи оморҳои расмӣ муҳоҷирони тоҷик аз Русия ба Тоҷикистон дар семоҳаи аввали соли ҷорӣ 60 ҳазору 337 нафар баргашта, ки ин нисбат ба ҳамин давраи соли 2021 2,6 баробар бештар аст.

Пас аз оғози таҳримҳои Ғарб болои Русия якбора қурби русӣ дар баробари пули миллӣ-сомонӣ уфти бесобиқа кард, аммо дар ин чанд рӯзи ахир арзиши он ба таври назаррас боло рафт. Коршиносон афзоиши қурби рубли русиро дар баробари пули миллӣ-сомонӣ муваққатӣ арзёбӣ карда, мегӯянд, таъсири эҳтимолии таҳримҳо ҳоло дар пеш аст. Ба гуфтаи онҳо, аллакай бозгашти худи муҳоҷирони тоҷикистонӣ аз Русия баёнгари он аст, ки паёмадҳои коҳиши иқтисоди Русия дар кори онҳо таъсир расонда ва дар оянда таъсирнокии эҳтимолии он бештар хоҳад буд. Ва ин боис мегардад, теъдоди зиёдтаре аз муҳоҷирон ба ватан бар бигарданд.

Гуфта мешавад, ҳукуматҳои кишварҳои Осиёи Марказӣ, ба хусус Тоҷикистон аз эҳтимоли бозгашти ногаҳонии муҳоҷирони корияшон ошкоро чизе намегӯянд. Аммо ба назари таҳлилгарон бепарвоии онҳо ҷои нигаронӣ дорад. Зеро кишварҳои онҳо барои баргашти эҳтимолии мавҷи муҳоҷирон барномае рӯи даст надоранд. Эҳтимол мақомоти кишварҳои Осиёи Марказӣ бар ин боваранд, ки ҳамлаи Русия ба Украина ба зудӣ хотима меёбад ва вазъи иқтисодӣ чандон бадтар нахоҳад шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.