28.9 C
Dushanbe

Парвиз аз Маскав ба Душанбе истирдод ва ба 18 соли зиндон маҳкум шуд

Парвиз Ғоибназаров, зодаи деҳаи Риҷисти ноҳияи Рошткалъаи Бадахшон дар шаҳри Душанбе ба 18 соли зиндон маҳкум шудааст. То ҳол маълум нест ӯ ба кадом моддаи Кодекси ҷиноятии Тоҷикистон айбдор мешавад.

Анора Саркорова, рӯзноманигори шинохтаи тоҷик дар саҳфаи телеграми худ хабар медиҳад, ки Парвизро як моҳ пеш дар шаҳри Маскав дар назди хонааш вақте мехост ба кор равад, кормандони мақомоти ҳифзи ҳуқуқи Русия боздошт ва ба ҷониби Тоҷикистон супурдаанд.

Гуфта мешавад, Парвиз Ғоибназаров яке аз дӯстони Гулбиддин Зиёбеков, ки рӯзи 25 ноябри соли 2021 аз сӯи нерӯҳои амниятии Тоҷикистон ваҳшиёна кушта шуд буд, мебошад.    

Ба навиштаи манбаъ, касе аз наздикони Ғоибназаров дар бораи ба Душанбе истирдод шудани ӯ ва аз иттиҳомоти эълоншуда алайҳаш хабар надодаанд.

Тафтишот ва мурофиаи ин зодаи Бадахшон паси дарҳои баста, бидуни иштироки вакил баргузор шудааст.

Баъд аз ҳодисаҳои ахири Бадахшон, мақомоти Тоҷикистон даҳҳо зоддаи ин вилоятро боздошт ва ба муҳлатҳои тӯлонӣ равонаи зиндон кардаанд.

Аксари онҳо аз дастрасӣ ба адвокат маҳрум буда, тафтишот ва мурофиаи додгоҳияшон пушти дарҳои баста сурат гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.