28.9 C
Dushanbe

Боз як ҷавон ва варзишгари бадахшонӣ зиндонӣ шуд

Мақомоти Тоҷикистон варзишгар ва зодаи ноҳияи Рӯшони Вилояти Ммухтори Кӯҳистони Бадахшон Олимшо Муъминовро ба 10 соли зиндон маҳкум кард.

Бино ба иттилои Анора Саркорова, мурофиаи додгоҳии Муъминови 34-сола пушти дарҳои баста дар шаҳри Душанбе баргузор шуда, ӯро бар асоси моддаи 187 (иштирок дар иттиҳоди ҷиноӣ)-и Кодекси ҷиноии ҶТ гунаҳкор донистаанд.

Олимшо Муъминов номзад ба устодии варзиши навъи волейбол, қаҳрамони Душанбе (2009-2010) ва барандаи медали нуқраи қаҳрамонии волейболи Тоҷикистон (2009-2010) мебошад.

Олимшо Муъминов иштирокчии тазоҳуроти осоиштаи сокинони шаҳраки Вамар, маркази маъмурии ноҳияи Рӯшони ВМКБ буд ва пас аз ҳодисаҳои охир ба Нижний Новгороди Русия рафта, дар яке аз ширкатҳои сохтмонӣ кор мекард.

Ба гуфтаи дӯстону пайвандонаш Олимшоро рӯзи 29-уми ноябри соли 2022 ба идораи ширкати сохтмонӣ, ки дар он ҷо кор мекард, даъват мекунанд. Олимшо Муъминов ба идораи ширкат рафта, ғайб мезанад. Варзишгар дигар бо наздиконаш тамос нагирифтааст ва пас аз чанд вақт маълум шуд, ки ӯ дар СИЗО-и Кумитаи давлатии амнияти миллии Тоҷикистон нигаҳдорӣ мешавад.

Олимшо Муъминов аввалин шаҳрванди Тоҷикистон нест, ки дар Русия рабуда ва иҷборан ба Тоҷикистон истирдод шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.