Россия

Истирдоди ҳашт нафар аз Русия ба Тоҷикистон

Бино ба иттилои Дафтари матбуоти Прокуратураи генералии Федератсияи Русия ҳашт шаҳрванди Тоҷикистон, ки дар ҷиноятҳои гуногун муттаҳам шуда, дар пайгард қарор додштанд, дар Русия боздошт ва ба Тоҷикистон истирдод шуданд.

Хабаргузории ТАСС дар истинод ба Прокуратураи генералии Русия иттлоъ дода, ки "мақомоти Русия ҳашт шаҳрванди Тоҷикистонро боздошт ва ба мақомоти салоҳиятдори Тоҷикистон барои таъқиби ҷиноятӣ супориданд", - омадаст дар хабар.

Гуфта мешавад, яке аз боздоштшудаҳо бо номи Насратшо Ҷонмирзоев ба он айбдор мешавад, ки моҳи июли соли 1996 дар шаҳри Хоруғ мошини кормандони ҳифзи ҳуқуқро бо пулемёт тирборон кардааст. Дар натиҷа, сардори шӯъбаи кофтукови ҷиноии шаҳр, корманди милисаи ҳамин шӯъба, коршиноси судӣ -тиббӣ ва як сокини маҳаллӣ кушта шуданд.

Аз як истирдодшудаи дигар Икромҷон Боронов номбурда мешавад, ки ба фурӯш ва қочоқи маводи мухаддир ба Русия дар соли 2009 айбдор мешавад.

Инчунин мақомоти Русия “Фирӯз Сафаров, (бо иттиҳоми қочоқи маводи мухаддир), Акмал Юнусов, (бо иттиҳоми қаллобӣ дар ҳаҷми калон) ва Идрис Назаровро (бо иттиҳоми латукӯби ноболиғ ва авбошӣ) дастгир ва ба Тоҷикистон истирдод карданд”,- менависад ТАСС.

Прокуратураи генералии Русия зимни шарҳи парвандаи ҳар як истирдодшуда мегӯяд, тафтишот нишон дода, ки яке аз муттаҳамон бо номи Мирзоалӣ Давлатов, моҳи ноябри соли 2019 дар ноҳияи Рӯдакӣ бо шариконаш ғайриқонунӣ ба хонаи як сокини ин ноҳия ворид шуда, 78700 сомонӣ моликияти ӯро дуздидааст.

Аммо Даврон Бердиев ба он муттаҳам мешавад, ки дар моҳи феврали соли 2020 ҳамчун сардори гурӯҳи муҳофизон ва таъминоти қисми низомӣ дар вилояти Суғдро ҳангоми кор бидуни иҷоза маҳалли корро тарк кардааст. Ва Эмомалӣ Салимов бошад пас аз таътили кӯтоҳ ба қисми низомӣ барнагаштааст.

Аммо то ҳол назари шахсӣ ва наздикони истирдодшудаҳо маълум нест.

Солҳои ахир хабарҳои боздошт ва истирдоди шаҳрвандони Тоҷикистон аз Русия ба кишвар бисёр расонаӣ мешавад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Россия

Россия

Имтиҳони Вазорати тандурустии Русия аз пизишкони хориҷӣ

Россия

Русия: Таҳияи қонуни нав дар бораи муҳоҷират

Россия

Интихоботи Русия тағйироти ҷиддие ба зиндагонии муҳоҷирон намеорад

Россия

Ҳамла ба донишгоҳи Перм