26.9 C
Dushanbe

Боздошти ду гумонбар дар қатли ҳамсарони худ

Кормандони Вазорати корҳои дохилаи Тоҷикистон ду мардро бо гумони даст доштан дар қатли ҳамсаронашон боздошт кардааст.

Бино ба иттилои ВКД, боздоштудаҳо дар куштори занони худ гумонбар дониста мешаванд.

Яке аз боздоштшудаҳо марди 48-солаи сокини шаҳраки Ҳ.Алиеви ноҳияи Зафаробод буда, 14-уми ноябри соли 2021 дар ҳуҷраи истиқоматиаш ба ҳамсараш, зани 51-сола муноқиша намуда, бо рӯймоли сараш ӯро бӯғӣ карда куштааст.

Ба иттилои ВКД гумонбари дуюм, марди 27-солаи сокини ҷамоати деҳоти Унҷии ноҳияи Б.Ғафуров буда, 9-уми ноябри соли ҷорӣ дар кӯчаи Ғафурови ноҳияи мазкур аз ҳиссиёти рашк бо ҳамсари 25-солаааш ҷангу ҷанҷол карда, бо корди хоҷагии дар дасташ буда, 12-маротиба ба узвҳои бадани занаш задааст. Дар натиҷа ҷабрдида дар ҷойи ҳодиса ба ҳалокат расидааст.

Нисбати гумонбаршавандаҳо парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

ВКД аз боздоштшудаҳо ном набурдааст. Ҳамчунин назари худи гумонбарон ва адвокатҳояшон дастраси расонаҳо нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазир: Тақсимоти барқ ғайри қаноатбахш аст

Вазири энергетика ва захираҳои оби Тоҷикистон фаъолияти нимсолаи аввали...

ВКД: 3 кӯдак 10 ҳазор сомониро дузиданд

Вазорати корҳои дохилаи Тоҷикистон бо нашри як иттилоия се...

Собиқ ректори Донишгоҳи Давлатии Хуҷанд ба 7 соли зиндон маҳкум шуд

Додгоҳи вилояти Суғд Аюб Усмонзода, ректори собиқи Донишгоҳи Давлатии...

Тоҷикистон мехоҳад аз Қатар пул бигирад

Тоҷикистон аз Қатар хостааст, ки "дар бахшҳои афзалиятноки иқтисодиёт"-и...