14.9 C
Dushanbe

Боздошти 6 муҳоҷир дар Русия бо иттиҳоми одамрабоӣ

Полиси Русия аз боздошти шаш муҳоҷир хабар дод, ки дар рабудани як шахс даст доранд. Дар ин бора ба “ТАСС” намояндаи расмии ВКД-и Русия Ирина Волк хабар дод.

Бино ба иттилои ТАСС полис дар рафти тафтишот муайян намуд, ки муҳоҷирон мардеро моҳи март аз хобгоҳи деҳаи Новоивановское рабуда, ба қаламрави Краснодар бурдаанд. Онҳо аз падари ин мард барои раҳоии писараш 1,2 миллион рубл талаб кардаанд.

“Шарикон мунтазам мардро шиканҷа намуда, сипас ӯро барои ҷамъоварии маблағи зарурӣ раҳо кардаанд. Дар натиҷаи чорабиниҳои оперативӣ-ҷустуҷӯӣ, кормандони полис бо иштироки Гвардияи миллии Русия, шаш гумонбарро дар ҷойҳои истиқомати муваққатии худ боздошт карданд. Онҳо зодагони яке аз давлатҳои Осиё мебошанд ” – гуфт Ирина Волк.

Намояндаи Сарраёсати тафтишотии Кумитаи тафтишоти вилояти Маскав Олга Врадий ба ТАСС гуфт, ки айбдоршавандагон ин мардро пас аз навиштани забонхат, ки маблағи заруриро ҷамъоварӣ хоҳад кард, раҳо намудаанд.

Кумитаи тафтишот аз рӯи моддаи “одамрабоӣ аз ҷониби гурӯҳи ашхос бо маслиҳати пешакӣ” парвандаи ҷиноӣ боз карда, муҳоҷирон ба ҳабс гирифта шудаанд. Ба иддаои полис айбдоршавандагон инчунин метавонанд дар дуздӣ дар вилояти Маскав даст дошта бошанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.