-3.1 C
Dushanbe

Боздошти Абдусалом Одиназода дар шаҳри Перти Австралия

Ба гузориши расонаҳои Австралия, Абдусаломи Одиназода донишманди биохимики 52-солаи зодаи Тоҷикистон рӯзи чоршанбе 23 декабри соли 2020 баъд аз тафтиши манзилаш боздошт шуд ва то 15 январи соли 2021 дар боздоштгоҳи муваққатӣ қарор хоҳад дошт.

Расонаи “AAP” менависад, ки пулиси Австралия Одиназодаро баъд аз боздошт ба додгоҳ оварданд ва додгоҳ ӯро бо 4 иттиҳоми ҷонибдорӣ аз терроризм айбдор намуда, боздошт кард.

Дар хабар омада, ки Одиназода аз додгоҳ дархости озодӣ ба ивази васиқа накардааст ва то 15 январ ба ҳабси пешакӣ гирифта шудааст.

Ӯ муттаҳам ба нашри постҳои онлайние аст, ки ба гуфтаи пулис ҳадафи онҳо таҳрики ҳамлаҳои ифротгароёна дар хориҷ аз Австралия мебошад.

Бозрасони мубориза бо тероризм аз моҳи ноябри 2019 то феврали соли 2020 ва баъд аз ошкор шудани видеоҳои онлайнии Одиназода, ки дар онҳо бо ангезаҳои сиёсӣ, даъват ба иқдомоти хушунатомез дар хориҷ аз Австралия дорад, таҳқиқотро оғоз карда буданд.

Гуфта мешавад, ҳукми тафтиши манзил ва бозрасии ашёи он дар моҳи апрели соли 2020 содир шуда буд. Пас аз тафтиши манзили Одиназода пулис чанд василаи эелектронии ӯро низ мусодира кард.

Скот Лии, дастёри пулиси федералии Австралия гуфт, ки баъд аз “садҳо соат” таҳқиқот ва ҷамъоварии шавоҳид аз тарафи тими бозрасӣ ҳукми боздошти ӯ содир гашт.

Раиси Пулиси Перт Сканлан гуфт,

“Видеоҳои онлайнӣ, ки ҳовии паёмҳои ифротгароёна аст, метавонад дастраси ҳар инсоне дар гуша ва канори ҷаҳон гардад ба шумули ҷомеъаи маҳаллии Австралия ва ин бисёр муҳим аст, ки мо афроди масъули чунин таҳрикотро шиносоӣ ва таҳти таъқиб қарор медиҳем”.

Сканлан дар идома меафзояд, “Ҳамчунин таҳқиқоти мо барои пешгирӣ аз ифротӣ шудани афроде, ки дар баробари чунин ақидаҳо осебпазир ҳастанд, бисёр муҳим мебошанд. Мо ҳама натиҷа ва таъсирҳои афкори ифротгароёнаи онлайниро дидем ва ҳама шаҳрвандон метавонанд бо огоҳ кардани мақомот аз нашри чунин матолиби ифротгароёна дар амн нигоҳ доштани ҷомеа саҳим бошанд”.

Абдусаломи Одиназод яке аз фаъолони шабакаи Фейсбук буд ва пайваста аз амалкарди ҳукумат ва мухолифон интиқод мекард. Ӯ вақтҳои охир бо пайравони мазҳаби Исмоилия баҳсҳои гармеро оғоз карда буд.

Одиназода аз донишмандони муваффақи соҳаи биохимик буда, дар ин ришта таҳқиқоти зиёде дорад, ки дар чандин сомонаҳои расмӣ ба нашр расидаанд. Ӯ ҳамчунин соли 2015 дар Донишгоҳи тиббии Тоҷикистон ба шогирдон дарс гуфтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.