26.9 C
Dushanbe

Боздошти афсари КДАМ бо иттиҳоми интиқоли ҳаҷми бузурги маводи мухаддир

Як афсари нерӯҳои марзбонии Кумитиаи давлатии амнияти милии Ҷумҳури Тоҷикистон бо иттиҳоми интиқоли 146 килограм маводи мухаддир аз ҷониби кормандони Вазорати корҳои дохилии Тоҷикистон дар ҳудуди ноҳияи Данғара боздошт шуд.

Бино ба иттилои Радиои Озодӣ боздошти ин афсари Кумитиаи амнияти миллӣ рӯзи 18 декбари соли равон дар ҳудуди ноҳияи Данғара аз ҷониби Раёсати кофтукови ҷиноии Вазорати корҳои дохила ва маъмурони милисаи ноҳияи Данғара амалӣ гардидааст.

Ин афсар 25 сол дошта рутбааш лейтенанти калон аст ва дар як қисми низомӣ дар ноҳияи Дарвоз фаъолият мекардааст.

Манбаи Радиои Озодӣ дар Вазорати корҳои дохилии Ҷумҳури Тоҷикистон   гуфтааст, аз афсари нерӯҳои марзбонии Кумитаи амнияти милли Ҷумҳури Тоҷикистон 146 килограмм маводи мухаддир дарёфт кардаанд, ки аз ин ҳаҷм 101 килограммаш афюн ва 45 килограмми дигарашро ҳашиш ташкил медиҳад. Бино ба иттилои манбаъ тафтишот дар ин замина идома дорад.

Вале то ҳол назари боздоштгардида ва наздиконаш дар ин маврид дастрас нагардидааст.

Ин бори аввал нест, ки дар Тоҷикистон афсарони баландпояи мақомоти қудратӣ  даст ба интиқоли қочоқи маводи мухддир мезананд.

Чанде пеш Шерхон Салимзода собиқ директори Агентии назорати маводи нашъаовари назди Президенти Тоҷикистон аз даст доштани кормандони мақомоти қудратӣ дар интиқол ва қочоқи маводи мухаддир изҳори нигаронӣ карда буд.

Дар он вақт гуфта буд, “бархе кормандони мақомоти қудратӣ дар интиқоли маводи мухаддир даст доранд.”

Ӯ гуфта буд, ки чанд нафар аз кормандони мақомот, ки дар қочоқи маводи мухаддир даст доранд, боздошт шудаанд, вале омори боздоштшудаҳоро зикр накард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.

Ҳалокати як ҷавони тоҷик бар асри раъду барқ

Бар асри боришоти зиёди жола ва зарби раъду барқ дар бархе манотиқи кӯҳистонии Тоҷикистон як нафар ба ҳалок расидааст.