28.9 C
Dushanbe

Боздошти як блогери помирӣ дар Маскав

Шоми 5-уми сентябри соли ҷорӣ, блогери зодаи Бадахшон Комёр Мирзоев дар шаҳри Маскав аз ҷониби кормандони пулис боздошт шудааст.

Комёр зодаи шаҳри Хоруғ буда, дар шабакаҳои иҷтимоӣ бо номи Комчек Мирзоев маъруф аст. Наздикони ӯ ба Pamir Daily News гуфтаанд, ки кормандони пулиси Маскав ӯ ва чанд нафари дигарро, ки дар як хона зиндагӣ мекарданд, бо худ бурданд. То ҳол макони нигаҳдории онҳо маълум нест.

Комёр Мирзоев шаш моҳи охир дар Маскав зиндагӣ мекард ва ба фаъолияти ҷамъиятӣ машғул набуд.

Наздикони Комёр мегӯянд, ки ӯ низ мисли дигар зодагони ВМКБ метавонад ба таври иҷборӣ ба Тоҷикистон ихроҷ ва онҷо ба зиндон маҳкум шавад.

Пас аз ҳодисаҳои ахири Бадахшон дар Русия беш аз 20 зодаи ВМКБ рабуда ва ба Тоҷикистон истирдод шудаанд.

Чанд тани дигар дар боздоштгоҳҳои Русия интизори қарори истирдоданд ва дар Тоҷикистон хатари боздошту зиндонӣ шудан онҳоро таҳдид мекунад.

Гуфта мешавад, зодагони Бадахшоне, ки дар ин муддат боздошт шудаанд, дар Русия кору зиндагӣ мекарданд ва қисме фаъолони диаспораи помирӣ буда, бар зидди саркӯби мақомоти тоҷик алайҳи аҳолии Бадахшон садо баланд карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.