20.9 C
Dushanbe

Оҷил! Боздошти боз як сокини Бадахшон

Кормандони Раёсати корҳои дохилии ВМКБ як сокини маҳаллаи Бархоруғро бо номи Манучеҳр субҳи 31-уми март дар назди маркази тиббӣ дастгир кардаанд.

Бино ба иттилои манобеи Pamir Daily News, мақомот Манучеҳрро дар занозанӣ бо маъмурони пулис дар моҳи ноябри соли 2021 дар посгоҳи гузаргоҳи маҳаллаи УПД  муттаҳам мекунад.

Ба гуфтаи манбаъ, ҳоло дар шаҳр вазъият бадтар шудааст. Роҳҳои ду тараф то маҳаллаи Бархоруғро сокинони маҳаллӣ бастаанд. Дар бинои шуъбаи корҳои дохилии шаҳр пулис барои саркӯби эҳтимолии эътирозгарон омодагӣ мегирад.

Чанде пеш Раёсати ВКД дар Вилояти Мухтори Кӯҳистони Бадахшон хабар дод, ки Шеров Манучеҳр Мисжитовичро боздошт кардааст.

Прокуратураи ВМКБ нисбати Шеров бо ду моддаи Кодекси ҷиноятии Ҷумҳурии Тоҷикистон (237 қисми 3 банди «а» авбошӣ ва 330 қисми 1 зӯроварӣ нисбат ба намояндаи давлат) парванда боз кардааст.

Мақомот Манучеҳр Шеровро ба он гумонбар медонанд, ки ”14 ноябри соли 2021, тахминан соатҳои 13:30, дар якҷоягӣ бо аъзои муташаккили ҷиноятии шаҳри Хоруғ Маҳмадбоқиров Маҳмадбоқир, Шаъбонов Ҷамшед ва дигарон дар пости маҳаллаи Тирчиди шаҳри Хоруғ ба кормандони Раёсати Вазорати корҳои дохилӣ бо табар ҳуҷум карда, захмдор намуда буд. Аз санаи 9 декабри соли 2021 нисбаташ парвандаи ҷустуҷӯӣ таҳти №4382 оғоз гардида, дар ҷустуҷӯи расмӣ қарор дошт”.

Манучеҳр Шеров ҳаммаҳалаи Маҳмадбоқир Маҳмадбоқиров буда, аз ҷумлаи 6 тан аз сокинони Бархоруғ буд, ки мақомот ду моҳ пеш аз Маҳмадбоқиров супурдани онҳоро талаб карда буданд. Аммо Маҳмадбооқир аз супурдани онҳо даст кашида буд.

Ёдовар мешавем, ки чанде пеш бо як фармони Президент Раҳмон, Шариф Назарзода, ки аз соли 2017 ҳамчун сардори Раёсати корҳои дохилии шаҳри Душанбе фаъолият мекард, аз мақомаш озод ва сардори РВКД дар Вилояти Мухтори Кӯҳистони Бадахшон таъйин шуда буд. Чунин ба назар мерасад, ки Назарзода корро аз боздошти сокинони маҳҳалӣ оғоз кардааст.

Вазъ дар Бадахшон рӯзи 25-уми ноябри соли гузашта баъди кушта шудани Гулбиддин Зиёбеков, сокини ноҳияи Роштқалъа дар як амалиёти нерӯҳои қудратӣ бад шуд. Баъди бераҳмона кушта шудани Гулбиддин, сокинони маҳаллӣ дар назди бинои ҳукумати вилоят ҷамъ омада, чаҳор рӯз дар Хоруғ эътироз карданд. Дар пайи ин эътирозҳо аз ҷониби кормандони ҳифзи ҳуқуқ сокинони ВМКБ Тутишо Амиршоев ва Гулназар Муродбеков кушта ва чанд тани дигар захмӣ шуданд. Мақомот баъди ин эътирозҳо чанд тан аз сокинони ин вилоятро боздошту фишор болои фаъолонро бештар кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.