33.9 C
Dushanbe

Боздошти чанд зан аз шаҳрвандони Тоҷикистон дар қаламрави Қирғизистон (Видео)

Дар ноҳияи Лейлеки вилояти Ботканди Қирғизистон як гурӯҳ занон, ки шаҳрвандони Тоҷикистон гуфта мешаванд, аз ҷониби “дифои мардумӣ”-и Қирғизистон боздошт шудаанд.

Ин занҳо бо иттиҳоми убури ғайриқонунии марзи Қирғизистон боздошт шудаанд. Дар ин бора намояндагони “дифои мардумӣ”-и Қирғизистон ба хабаргузории “24.kg” хабар доданд.

Ба гуфтаи онҳо, чанд зан аз Тоҷикистон марзро ғайриқонунӣ убур карда, дар саҳроҳои рустои Кулунда кор мекарданд.

“Мо онҳоро дар деҳаи Ак-Арик боздошт кардем. Онҳоро як шаҳрванди Қирғизистон бо “Портер” -и худ овардааст. Занони тоҷик ҳар сол дар саҳроҳои деҳоти Қирғизистон пули иловагӣ ба даст меоранд. Аммо имсол, пас аз рӯйдодҳои баҳорӣ, марзи Қирғизистон ва Тоҷикистон комилан баста шудааст.”

Раёсати корҳои дохилии Бодканд хабар дода, ки ин маълумот санҷида мешавад, аммо шарҳи бештаре ироа нагардидааст. Ҳамчунин мақомоти тоҷик дар ин бора расман чизе нагуфтаанд.

Баъд аз даргириҳои хунини марзӣ байни Тоҷикистону Қирғизистон шуруъ аз 24 майи соли ҷорӣ марзҳои ду кишвар бар рӯи ҳамдигар баста шуд. Ва дар натиҷа сафарҳои заминӣ ва ҳавоӣ куллан қатъ гардид. Аммо аз боздошт шудани шаҳрвандони ду кишвар барои убури ғайриқонунии марз хабарҳо мерасад.

Ин дар ҳолест, ки сафари расмии Содир Ҷабборов рӯзҳои 28 ва 29 июни соли равон ба Душанбе дар назар аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.