Имрӯз 09-уми июл дар Маскав ду фаъоли сиёсии “Гурӯҳи 24” Шобудин Бадалов ва Раҳматҷони Маҳмад баъд аз раҳо шуданашон аз ҳабси 15-рӯза дар назди дарвозаи боздоштгоҳ дубора дастгир шуданд.
Ин дафъа онҳоро ба шуъбаи пулиси Китай-город бурданд. Дар ин бора торнамои хабарии ОВД-инфо аз қавли вакили мудофеъи Раҳматҷони Маҳмад, Кристина Тимакова хабар медиҳад. Сабаби боздошти ин ду узви “Гурӯҳи 24” расман маълум нест. Шобудин Бадалов ва Раҳматҷони Маҳмад таърихи 24 июн дар майдони Сурхи шаҳри Маскав ҳангоми пикети эътирозӣ алайҳи ширкати раисҷумҳури Тоҷикистон Эмомалӣ Раҳмон дар парад бахшида ба 75-солагии ғалабаи Ҷанги бузурги ватанӣ боздошт шуданд. Додгоҳи Тверскойи шаҳри Маскав 25 июн ин дуро бо ҳукми вайрон кардани тартиби баргузории пикет ба маблағи 15 ҳазор рубл ҷарима ва маҳрум сохтан аз озодӣ ба мӯҳлати 15 шабонарӯз ҳабси маъмурӣ кард.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.