16.9 C
Dushanbe

Боздошти додраси додгоҳи Бадахшон

Додраси Додгоҳи Вилояти Мухтори Кӯҳистони Бадахшон ҳафтаи гузашта дар ҳудуди шаҳри Душанбе боздошт шудааст. 

Бино ба иттилои Радиои Озодӣ, Додситони кулли Тоҷикистон нисбати додрас Зафар Қодирзода бо иттиҳоми “гирифтани пора ва қаллобӣ” парвандаи ҷиноятӣ боз кардааст. 

Мақомот расман ҷузъиёти парвандаи ин додрасро шарҳ надодаанд, аммо ба навиштаи манбаъ, Қодирзода ҷиноятҳоро дар замони кораш дар шаҳри Ваҳдат ва ВМКБ содир кардааст.

Назари худи додраси боздоштшуда ва пайвандонаш дар ин бора дастраси расонаҳо нест. 

Инчунин то ҳол фармони барканории Зафар Қодирзода дар сомонаи Президенти Тоҷикистон нашр нашудааст ва бояд пеш аз боздошти ин додрас Эмомалӣ Раҳмон фармони барканориашро содир ва порлумони кишвар онро тасдиқ мекард.

Гуфта мешавад, Зафар Қодирзода, ки пеш дар Додгоҳи шаҳри Ваҳдат низ кор кардааст, моҳи декабри соли гузашта бо як фармони Президент додраси Додгоҳи ВМКБ таъйин гардида буд. 

Зафар Қодирзода аввалин додрасе нест, ки дар Тоҷикистон бо иттиҳоми гирифтани пора ва қаллобӣ боздошт мешавад. 

Ба гуфтаи таҳлилгарон, яке аз сабабҳои даст задани додрасҳо ва мансабдорони давлатӣ ба фасод дар кишвар он аст, ки худи онҳо бо ришва мансаб харидаанд ва ин кор онҳоро водор мекунад то ба фасодкорӣ ва ришваситонӣ дар ҳама соҳаҳо идома бидиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.