30.9 C
Dushanbe

Боздошти ду корманди ҳукумати ноҳияи Ёвон

Дар ноҳияи Ёвони вилояти Хатлон ду корманди ҳукуматро бо айби даст доштан дар “хилофкорӣ ва тақсими нодурусти қитъаи замин барои бунёди манзили зист” боздошт карданд. Дар ин бора Радиои Озодӣ хабар дод.

Ин ду боздоштшуда, яке Аскар Набизода, муовини раиси ноҳияи Ёвон ва Хайриддин Саидмуродзода, роҳбари Идораи замини ҳамин ноҳия мебошанд. Қарори боздошти ин ду гумонбар, пас аз санҷиши додситонии вилояти Хатлон содир шудааст.

Ба хабарнигорони “Аздо ТВ” муяссар нашуд, то наздикони ин боздоштшудаҳоро пайдо кунанд.

Гуноҳи Аскар Набизода ва Хайриддин Саидмуродзода то ҳол исботи худро наёфтаанд.  Ду корманди ҳукумати ноҳияи Ёвон ба Радиои Озодӣ ба ҳабси пешакӣ гирифтани ин 2 гумонбарро тасдиқ кардаанд. Ин манбаъ дар идома иброз доштааст, ки дар маҷлиси охири ҳукумати ноҳия гуфтаанд, ки Аскар Набизода бинобар талаботи ҷойивазкунии кадрҳо аз вазифаи муовини раиси ноҳияи Ёвон сабукдӯш карда шуд.

Хайриддин Саидмуродзода низ дар маҷлисҳои ахир иштирок надоштааст, сабаби иштирок надоштанашро рухсатии меҳнатӣ гуфтаанд. Вале ин ду корманди ҳукумати ноҳия бар ин назаранд, ки Аскар Набизода ва Хайриддин Саидмурозодаро тақрибан 2 ҳафта пеш боздошт карда буданд.

Дар Додситонии вилояти Хатлон барои ворид накардани халал ба рафти тафтишот, аз додани шарҳ худдорӣ кардаанд. Боздошти ин 2 корманди ҳукумат дар ҳолест, ки солҳои ахир ҳолатҳои ришваситонӣ ҳангоми тақсими замин зиёд дида мешавад. Худи Эмомалӣ Раҳмон дар яке аз сӯҳбатҳояш заминфурӯшии мансабдоронро “дарди бедаво” ном карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дар Қирғизистон аз як кӯдето пешгирӣ шудаст

Кумидаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.

Дар нишасти “Осиёи Марказӣ-Иттиҳоди Аврупо” аз ҳуқуқи башар гуфта мешавад?

Додситонии куллии Тоҷикистон 2-уми июни соли ҷорӣ бо ирсоли номаи фаврӣ ба ҳамтои русаш, хостори таҳқиқи боздоштҳо ва рафтори мақомоти ҳифзи ҳуқуқи ин кишвар нисбати муҳоҷирон шудааст.