Ҳуқуқ

Фаврӣ! Боздошти ду сокини ВМКБ баъди бозгашт ба Тоҷикистон

Ду сокини шаҳри Хоруғ баъди бозгашт ба Тоҷикистон аз ҷониби кормандони ВКД боздошт шудаанд. Дар ин бора Pamir Daily News хабар медиҳад.

Яке аз боздоштшудаҳо, раиси ҷавонони Бархоруғ Содиқ Амадбеков ва дуюмӣ Гулаёз Гулаёзов буда, ҳангоми бозгашт аз Туркия ба ватан боздошт шудаанд.

Ба навиштаи манбаъ, ин ҷавонон бо моддаи 237 қисми 2 Кодекси ҷиноятии Ҷумҳурии Тоҷикистон, яъне ба "авбошӣ" муттаҳам мешаванд. Сабаби ба "авбошӣ" айбдор шудани Амадбеков ва Гулаёзов даст доштанашон дар ҷанге, ки моҳи сентябри соли 2020 байни ҷавонон баъд аз бозии футболи дастаҳои  “Гулакен” ва  “Бархоруғ” рух дода буд, гуфта мешавад.

Шоми 5-уми январи соли ҷорӣ мақомоти қудратӣ аз тариқи телевизиони вилоятии Бадахшон нисбати ин ҷавонон расман айб эълон карданд.

Ба иттилои манбаъ, ҳоло Содиқ ва Гулаёз дар шӯъбаи Раёсати мубориза бар зидди ҷиноятҳои муташаккили ВКД дар шаҳри Душанбе қарор доранд.

Гуфта мешаванд, ин ҷавонони сокинони ВМКБ аз варзишгарони муваффақ ҳастанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҳуқуқ

Тоҷикистон

Амриддин Аловатшоев ба Душанбе истирдод шудааст

Ҳуқуқ

Додхоҳии ҳамсар ва писари Муҳаммадалӣ Ҳаит аз СММ ва дигар созмонҳои байналмилал

Ҳуқуқ

Гуруҳи 44 бо пеш гузоштани 5 шарт ҳамкорияшро бо мақомот дар ВМКБ қатъ кард

Тоҷикистон

Барои гирифтани $2500 афв, барои напардохтани 250 сомонӣ зиндонӣ